MTCI Prontu Implementa Lei Krime Ekonomiku

.

Josefa Parada - Segunda, 18 Abril 2011 - SUARA TIMOR LOROSAE

DILI-Governu liu husi Ministeriu Turismu Komersiu Industria (MTCI) prontu implementa Lei Krimi Ekonomiku ne’ebe aprova ona iha Parlamentu Nasional (PN).

“Ami hein lei promulga husi Presidente da Republika Jose Ramos Horta bele implementa iha nasaun ne’e bele regula folin sasan iha TL,” dehan Direitora Geral Jorgina Manuela Corteral ba STL iha Mandarin, Fomentu, Dili, Sesta (15/4).

Tuir nia, governu kria ona lei ida bele kontrola folin sasan sae maka’as iha merkaduria, tanba emprezariu nebe halo manipulasaun presu sasan lei bele regula hodi lori sira ba kadeia ou multa.

Nia haktuir katak, Governu liu MTCI kria lei aprova ona husi parlamentu nasional, hein president abele regula ba emprezariu ne’ebe iha TL, labele halo manipulasaun ba folin sasan iha loja ou kompania.

Ita hatene katak, durante povu barak hakilar folin sai perkusaun boot ba komunidade , ne’eduni ami kria ona lei bele regula kompania halo negosiu iha TL.

Nia salenta katak, emprezariu sei halo manipulasaun presu, ami sei regula maibe emprezeiu pratiku manipulasaun hetan sensaun maksimu kastigu tinan tolu iha kadeia ,minimu loron tolu nulu iha tribunal ou selu multa rihun rua nulu.

Iha parte seluk Presidente Komisaun C asuntu ekonomi finansa anti korupsaun Manuel Tilman hatete PN aprova ona lei krimiliza ou lei kontra ekonomia. Ne’eduni rua aprova ona semak kritika buat ida naran asambarkamentu no ida espekulasaun, bele hetan sensaun ida todan, ema individual kria krimi asambarkamentu espekulasaun bele hetan kastigu iha kadeia tinan tolu.

Maske tinan tolu minimu loron tolu nulu, maksimu tinan tolu,,karik kompania ruma subar fos fa’an, bele aumenta folin, bele hetan sensaun selu osan rihun rua nulu no to’o lima nulu kompormi sasan nia subar la fa’an ba publiku ho presu ida normal.

Nune’e mos bele taka kompania karik hare nia kompartamentu ladiak, kontraduni konsumidores TL. Gestor ne’ebe kaer kompania neebe kaer kompania pratika krima asambarka, espekulasaun mos bele tama kadeia.

Ne’eduni aprova ona haruka ona Presidente da Republika Jose Ramos Horta hein paskoa liu bele promulga lei ne’e, MTCI dirasaun halo fiskalizasaun, polisia hari’I polisia judisiariu liga posia ekonomia ita nia alfandega kontrola folin sasan ne’ebe emprezariu halo espekulasaun.

Nia afirma katak, lei krimi ekonomia estabelese iha tl bele kontrola presu iha TL. ‘’Ami haruka ona ba Presidente Horta hein promulga, bele implemeta iha rai laran,” dehan nia.

Alende Deputadu Natalino dos Santos Bankada CNRT, lei krimi ekonomia aprova ona PN bele solusaun problema folin sasan kontinua sae nafatin iha TL.

Oinsa Implementa Lei ne’e, Governu tenki implementa iha nasaun ba kompania, loja nain nomos ne’ebe fa’an sasan folin halo povu hakilar iha merkaduaria ne’eduni governu tenki impementa ho diak. Karik halo pratika tenki penal selu multa.

Entertantu Manuel Marques nudar komunidade salenta katak, governu tenki kria lei forte atu bele regula ba sasan nesicidade baziku folin sae maka’as iha timor laran. Tanba povu barak laiha kbiit sosa sasan tanba sasan folin kontinua sae nafatin, maske governu halo intervesaun laiha mudansa ida,ne’eduni husu governu tenki kria lei bele regula presu sasan. jef
.