MTCI Aloka Orsamentu 3 Mil Sosa Produtu Lokal Rihun 10 Toneladas

.

Josefa Parada - Sesta, 29 Abril 2011 - SUARA TIMOR LOROSAE

DILI- Maske mudansa klimatika afeita halo povu agrikultura nia produsaun produtu lokal tun, maibe Orsamentu Geral Estadu tinan 2011 husi Ministeriu Turismu Comersiu Industria (MTCI) aloka ona 3 Miloens atu sosa produtu lokal.

“Ami persiza 10.000 toneladas, maibe depende ba orsamentu ne’ebe iha,” dehan Ministru Turismu Comersiu Industria Gil da Costa Alves ba STL iha Merkado Lama, Dili, Kinta,(28/04).

Nia esplika liu katak, maske produtu lokal henesan batar no haree tinan ne’e tun, maibe produtu seluk hanesan, forekeli, koto, foremungo, mina nu’u, no seluk tan bele suporta produtu lokal iha prosesumentu ba seitor pribadu. Ne’e duni iha fulan Maiu nia laran komesa kompras ona.

“Ami hatene tinan ida ne’e produsaun agrikultura tun, maibe produtu laos ita hare deit ba batar ou hare’e maibe iha komponente 6 bele sosa bele fo benefisiu ba povu agrikultura kapasidade atu sosa hahan bele komsumi,” dehan nia.

Tuir nia, programa “Povu Kuda, Governu Sosa” bele ajuda povu atu hetan osan, ne’eduni MTCI sosa produtu ne’e bele hasae folin hanesan bele sosa fini seluk bele hamoris an, Ne’eduni estado tenki sosa povu nia produtu lokal seluk bele povu hetan osan.

“Orsamentu 3 miloens aloka ona atu sosa produtu lokal mantein nafatin. Ne’eduni iha fulan Maiu ami komesa halao kompras iha distritu 13,” katak Gil.

Iha parte seluk Direitur Geral MTCI Jorzina Manuel Corteral sublina katak, orsamentu atu sosa produtu lokal 3 miloens bele kompras produtu lokal hodi fo benefisiu ba povu agrikultura tanba MTCI tenki kordenasaun ho Ministeriu Agrikultura bele sosa produtu lokal.

Thomas Soares hanesan povu agrikultur salenta katak, tinan produtu local menus maibe Governu ajuda povu agrikultura bele sosa produtu local hanesan fehuk ropa, forerai, tanba produsaun hare’e batar mas produtu seluk bele sosa hodi sira hetan osan fasilita nesicidade uma laran.

Entertantu Manuel Pinto estudante finalista UNTL salenta katak, governu tenki sosa povu agrikultura nia produtu local bele fo benefisiu hodi hetan osan, tanba povu agrikultura moris ho produtu local. Jef
.