Mariano Sabino Fahe Traktor 27 no Makina Dulas Hare 19 Iha Ermera

.

Written by Costa Gomes & Brites Araujo - CJITL - Tuesday, 05 April 2011

CJITL Ermera, Ministru Agrikultura e Peskas (MAP), Mariano Asanami Sabino, Sexta foin lalais ne'e, halao inaugurasaun ba Edificiu Agrikultor Distritu Ermera inklui mos entrega trator liman nian hamutuk 27 ba agrikultor sira.

Mariano Sabino husu ba kafekultores Distritu Ermera atu esforsu makas hodi dezenvolve agrikula iha Distritu Ermera,tanba Distritu Ermera Distitu nebe iha potensia makas liu ho kafe,no kafe hanesan produtu uniku nebe reprezenta Nasaun Timor iha Nasaun seluk.

Feliciano Da silva hanesan Agrikultor sente kontente tanba durante tinan barak agrikultor sempre uza enxada hodi halo natar ,maibe ho hand traktor nebe sira simu ho esperansa katak bele hasae liutan sira nia produtu.

Ami sente orgulho oituan tanba,ho prezensa Ministru ohin mai iha ne’e, fo hand traktor ba ami, ami sente katak ho Ministru nia despaixo ami hakat ba dadaun semi modernu oituan” tenik da Silva.

Iha oportunidade ne’e mos, agrikultor seluk, Leonor Mendonça apresia Ministeriu ne'e tanba liu husi hand traktor nebe sira simu bele halo kma’an sira nia servisu hanesan Agrikultor.

Iha Inagurasaun Edificiu Agrikultura Distritu Ermera ne’e, Ministeriu Agrikultura E Peskas,Mariano Sabino entrega mos makina dulas hare hamutuk makina 19. (Brites Araujo & Costa Gomes/CJITL Ermera)

.