Marí Alkatiri,“Sekjer FRETILIN Kritika Estrada Laiha Kualidade”

.

Timor Post - Kuarta, 13 Abril 2011

Dili- Sekretariu Jeral (Sekjer) Partidu FRETILIN Marí Alkatiri konsidera Estrada capital Dili laiha kualidade no tanba kontinua at.

“Hau rasik lahatene los tanba saida maka Estrada iha capital Dili ne’e balu-balun halo rehabilitasaun (taka dala hat lima) maibe lakleur deit at fila fali, kuaze ke laiha kualidade hotu kedas,”dehan Alkatiri, foin lalais ne’e iha CCF Comoro Dili.

Tuir eis Primeiru Ministru ne’e hatudu kualidade etrada nebe la diak, hadia at, no hadia at fali tan.

Relasiona ne’e, iha fatin seluk, taxista Aniceto Maia hateten, nia sente tristi tebes ho Estrada ne’ebe kuak tanba bele fo impaktu ba sira bainhira halo serkulasaun kareta.

“Hau sente tristi bainhira ami halo sirkulasaun iha tempu udan, tamba Estrada ne’ebe kuak, udan ben nakonu hotu kedas entaun kareta los ida ne’ebe mak kuak no ida ne’ebe mak lae, hafeta husi be naliun,”dehan Aniceto, Tersa (12/04) iha Merkadu Lama.jae
.