LABEH Ejiji Provedor Direitos Humanos Ba Hatan Iha Tribunal

.

Sebastião Dias Ximenes

Written by Mouzinho Nappoleao no Abel - CJITL - Thursday, 21 April 2011

CJITL Flash, “Provedor Diretus Humanus e Justisa (PDHJ) Sebastiao Dias Ximenes tenke ba hatan iha Tribunal konaba Orsamento ne’ebe Banku Mundial fo ba PDHJ”.

Kestaun ne'e levanta husi Organizasaun Lalenok Ba Ema Hotu – LABEH liu husi konferensia ba imprensa, Quarta feira ne'e (20/4) iha Sekretariado LABEH, Comoro, Dili.

“Orsamento ne’e LABEH koalia dala barak ona konaba orsamento $ 3000 ne’ebe lakon iha Gabinete PDHJ tenki responsabiliza ba orsamentu ne’e” hateten Direktur LABEH.

“Provedor rasik mak tradus fila-fali dokumentus hodi simu orsamento jeral do estado ba nia a’an rasik, Provedor tenki responsabiliza konaba orsamento ne’ebe nia simu ba tradusaun tamba Parlamentu Nasional nomeia Sebastião atu sai provedor laos atu sai tradutor ba dukumentus hodi aprova orsamentu ba nia a’an rasik” Christopher informa.

Nia hatutan katak PDHJ atu responsabiliza ba nia adjuntu Provedor, Silverio Pinto ne’ebe autoriza ninia poder hodi aprova no uza orsamentu jeral do estado ba tuir kursu, wainhira Silverio Pinto sei iha Yayasan Hak.

Diretur LABEH hatutan katak PDHJ tenki brani hamos ninia instituisaun no brani ba hatan iha tribunal kona ba akuzasaun sira ne’e para instituisan ne’e atu promove boa governasaun. (Mouzino Napoleon & Abel/CJITL)
.