KRIZE SERIU IHA ASDT

.

Timor Post - Tersa, 19 Abril 2011

Dili-“Partidu Assosiasaun Sosial Demokrata Timorense (ASDT), sekretariadu ASDT rasik la hakruuk ba desijaun prezidente partidu nian.

Informasaun ne’e hato’o husi Domingos de Jesus (ado), Prezidente ASDT distritu Dili ba Timor Post, sabadu (16/4) iha rezidensia Presidentepartidu ASDT, Lecidere Dili.

Prezidente ASDT distritu Dili ne’e haktuir, militante ASDT hakfodak iha president rua, Ida mak Arlindo Marcal ne’ebe nia Partidu UDC/PDC lulun tiha Biti; agora kaer fali vise Prezidente ASDT no mos deklara an hanesan Prezidente ASDT interinu.

Ado hateten, krize aat liu ne’be ASDT infrenta mak desizaun presidente partidu nian estrutura, hanesan vise president tun, Sekretariu Geral la halo tuir.

Realidade ne’ebe iha Prezidente ASDT halo ona deklarasaun ida hasai Elidio Mautersa no Atino, maibe ema hirak ne’e kontinua servisu iha sekretariadu.

“Sira halo buat hot uses husi prezidente ninia hakarak, hanesan Prezidente ASDT Distritu Dili, haree iha dupla prezidente,”tenik Ado.

Nia hatutan, nia rasik haree ho matan iha sekretariadu ASDT, iha hudi laran ne’ebe lidera husi Arlindo Marcal no Joao Coreia, hakerek iha didi lolon, Prezidente interinu ASDT mak Arlindo Marcal, afinal Prezidente ASDT sei matan mos hela.

Hanesan militante, nia tristi tanba prezidente atual Francisco Xavier do Amaral sei matan moos hela, no orienta nafatin Partido ASDT, maibe grupo kiikoan ne’ebe lidera husi Arlindo marcal no Joao Coreia hamosu dalan ketak iha ASDT,”ami ASDT distritu Dili la simu,” dehan Ado.

“Militante tomak no prezidente distritu 13, la hatene hun no rohan osan partidu nian ne’e, ami hatene orsamentu ne’e mai, gastu ba hola asesor ba partidu politiku, hola kareta no motor,”nia hatutan.

Nua hateten, partidu ASDT hamriik ho prinsipiu ida ke defende partidu laos uja partidu sai kampo de trabalho hodi hetan salariu; ami la satisfas make ma sira ne’ebe servisu iha sekretariadu ASDT hahu husi Vise Presidente to’o membru, fulan fulan simu osan, dehan nia.

“Se sira simu osan, nusa povu ASDT labele simu mos osan ne. sira aproveita fali osan partidu nian hodi habokur fali sira nia aan, depois la hare ba atividade partidu nian,”tenik nia.

Ado lamenta, Elidio Mautersa ne’ebe prezidente Partidu hasai tiha ona, foin lalais ne’e ba hala’o atividade partidu nian iha distritu Aileu, suku Hoholau iha dadersan asae bandeira loraik ema ba hatun tiha fali bandeira ASDT ne’e.

Nia hatutan, katak kompetensia sekretariadu ASDT laiha ona, povu la fiar tiha ona sira, sira la fiar desijaun Partidu ASDT nian.

Entertantu Manuel Branco Goncalves, (Biskoit) Vise Presidente ASDT distritu Ainaro kaer mos pasta koordenador ASDT sub distritu Maubessi, observa militante sira ne’ebe foin infiltra lalais mai iha ASDT, hakarak harahun ASDT, ema sira ne’ebe foin tama, hanesan Prezidente UDC/PDC lulun tiha ona Biti, Vicente iha Partidu PD aproveita krize 2006, iha tinan 2007 infiltra mai ASDT.

“Sira ema foun, parese lori programa mai hamonu partidu ASDT, AMI haree, Arlindo marcal uza ASDT hanesan kurtina ida, parese atria ASDT ba rai kuak,tenik Biskoit.

Nia husu ba sekretariadu ne’ebe konsidera hanesan komite sentral ASDT lidera husi Joao Coreia, labele halo manipulasaun ba osan partidu, hanesan tinan 2009/2010, ne’ebe ami rona deit osan ne’e lu’u isin no lu’u matan kompleta.

Osan subvensaun publiku povu, sei la sente tan iha tinan 2011, ne’e osan ne’ebe gaji ba sira, sei sai gali gergaji ba sira nia leten,”nia hatutan.

Relasiona ho situasaun ne’ebe ASDT infrenta, sesta semana kotuk, Diariu Timor Post tenta konfirma ba reprezetante ASDT iha uma fukun PN, dereitamente ba ASDT, maibe deputadu sira rejeita fo komentariu.

Sira dehan, kompetensia atu koalia ba realidade ne’ebe iha, so ema militante no prezidente distritu 13, Diariu ne’e mos koko atu konfirma ba Arlindo marcal maibe seidauk hetan kontaktu.(augusto sarmento)

.