Josefa Parada - Segunda, 11 Abril 2011 - SUARA TIMOR LOROSAE
AILEU-Komunidade Suku Liurai Sub-Distritu Aileu, Distritu Aileu, oras ne’e infrenta hamlaha, tanba tinan 2010 ho 2011 tempu bailoron laiha udan para fatin laiha, nune’e halo povu agrikultura sira laiha koileta, tanba to’os no natar barak hetan estraga nomos kafe fuan laiha.
Xefi Suku Liurai, Domingos Pinerhro hatete kestaun ne’e liu husi nia diskursu iha sermomia Kampania Edukasaun iha Rairema, Kinta (7/4).
Tuir nia, impaktu husi mudansa klimatika ne’e halo komunidade sira oras ne’e han deit aifarina, fehuk, kontas, talas, no aifuan sira seluk, tanba sira laiha kbiit atu sosa fos, tanba sira nia resultadu agrikultura laiha. Hanesan kafe fuan laiha no modo do’dok hotu.
Xefi Aldeia Afonso Maumeta hatutan tan katak impaktu mudansa klimatika halo estraga buat barak, tanba udan para fatin laiha bailoron laiha tiha, nune’e halo modo dodok hotu, povu agrikultura sira sai beilan tiha, nune’e husu ba governu atu tau matan ba povu ne’ebe oras ne’e infrenta hamlaha.
Responde preokupasaun hirak ne’e, representante Administrador Distritu Aileu, Abel da Concecao hateten nudar autoridade local nia knar oinsa atu kanaliza informasaun hirak ne’e ba nivel nasional, atu ajuda ruma ba komunidade sira.
Abel deklara katak aihan ne’ebe oras ne’e komunidade han hanesan aifarina, pehuk, talas, kontas no sira seluk, hanesan han hodi tahan deit moris, maibe atu aumenta nutrisia ne’e laiha, tanba sira nia resultadu agrikultura mudansa klimatika estraga hotu. Nune’e sira laiha rendementu ou osan atu lori sosa fos ou hahan ne’ebe iha nutriasia diak ba sira nia isin.
Iha parte seluk Xefi Suku Bubusu Sub-Distritu Fatuberliu Fracisco Amaral, hateten komunidade Bubusu oras ne’e inferenta hamlaha, tanba mudansa klimatika halo udan kuaze tinan ida resin to’o agora para fatin laiha, nune’e halo estraga hotu povu agrikultura sira nia aihan batar ho hare’e. gus
.
0 comentários:
Enviar um comentário