Jornal Nacional Diário - Sesta, 15 Abril 2011
Dili- Kompania Lifese Engineering sei lori Primeiru Ministru Xanana Gusmao ba Tribunal tanba la halo tuir kontratu konstruksaun porto Naval, Hera.
“Hau bele dehan katak, hau sala itoan, rekonhese duni, atu to’o Tribunal ka to’o ne’ebe mos hau ba, bolu ba tribunal Sydney mos hau ba. Jakarta Indonesia mos hau ba ona, ba Sidney kala kondisaun ka direitu humanus kala diak liu be hau moris iha kadeia karik mos diak,”tenik PM Xanana ba Jornalista sira, kinta (14/4) iha Palacio Presidensial, Aitarak laran, Dili, relasiona ho governu gasta tiha ona osan $4.5 miloens ba kompania Lifese Enginering Australia hodi harí portu Naval.
Razaun ne’ebe kompania Internasional Lifese Engineering atu lori xefe Governu Timor Leste ne’e ba tribunal tanba seidauk selu orsamentu ba sira nia kompania tuir kontratu ne’ebe estabelese ona.
PM Xanana Rekonhese katak, nia sala tanba asina tia ona kontratu ho kompania ne’e ke lahare didiak e ikus mai mosu iregularidade.
PM Xanana pronto atu hasoru kompania Lifese Engineering, maibe nia dehan, kona ba osan $4,5 miloens ne’e la monu ba rai leet deit, tanba osan hirak ne’e sira sosa tia ona material mai rai laran.
PM Xanana rasik hateten, kuandu nia asina kontratu ne’e ho kompanhia Lifese Engenering husi Australia ne’e nia la lee didiak ida, tanba ne’e mosu iregularidade iha ne’eba.
“Hau nia Inglesh ne’e hau hare you deit dehan o diak ka lae? Ne’ebe hau fiar hela ba tekniku ida ke manan osan boot e ami tau uluk iha STA nia prepara tia kontratu ne’e, afinal kontratu ne’e lei Australiano, ne’ebe heiiiii hau atu mate, assina beik ten dai hanesan hau ne’e, kursu Ingles mos laiha tan koalia ba mos ema kurizi tan ita,”dehan PM Xanana.
Iha kontratu ne’e, PM Xanana dehan, tenke selu ba kompania ne’e 14 dias, maibe sistema TL nian la hanesan ho sira Australia nia tanba ne’e maka PM Xanana sei sala, agora dadauk, PM Xanana sei fo fiar ba kompanhia Timor Leste nian maka sei kaer portu Naval Hera ne’e.cru
.
0 comentários:
Enviar um comentário