Kandidatura Marí Ba PR Sei " Segredu ”

.

Jornal Nacional Diário - Segunda, 25 Abril 2011

Dili-“Dadaun ema balu komesa fihir no sujere hodi fo nia hanoin katakSekretariu Jeral Partidu FRETILIN, Marí Alkatiri figura ne’ebé iha kapasidade atu lidera Timor Leste nudar Prezidenti da Repúblika iha2012, maibe atu kandidata ka lae ne’e sei iha segredu nia laran.

Sekjer Alkatiri kandidata an ka lae ba Prezidente da Repúblika iha 2012 ne’e seidauk bele fo sai ba públiku, tanba so hafoin eleisaun direta lideransa Prezidenti i Sekretariu Jeral partidu FRETILIN no kongresu maka bele fo sai kandidatu sira ne’e,”Adjuntu Sekretariu Jeral Partidu FRETLIN, Jose Reis informa kestaun ne’e ba JN Diario segunda (25/4)horseik iha Comite Central FRETILIN (CCF), Comoro Dili.

“Depois de Sekretariu Jeral no Prezidente Partidu eleiru foin belekoalia konaba kandidatu prezidente da Republika nian, porke atu kandidata ema ne’e rasik tenki hakarak sai kandidatu i depois partidu mos foti desizaun para ema ne’e atu sai kandidatu ba partidu ninian,”dehan Reis.

Maske nune’e tuir hanoin balun katak, eis Primeiru Ministru, figura ne’ebe ke iha kapasidade sai xefe estado iha 2012.

“Hau hanoin nia (Alkatiri-red) iha kapasidade atu bele kandidata baiha prezidente da Republika iha 2012, bah au mos karik nia kandidatu mos hau bele apoia ninia kandidatura,”koalia deputadu Tara.

Sidadaun hotu iha direitu atu kandidata an atu sai lideransa nasaun ninian, maibe importante maka sai lideransa nasaun iha komitmentu lori dezenvolvimentu rai ba oin.

Iha sorin seluk deputadu Bancada CNRT, Eduardo ‘Dusa’e’ Barreto hateten, kualker sidadaun iha direitu kandidata an atu sai Xefe estado iha 2012. “Maibe importante maka ne’e, iha liberdade para ema ne’ebe mak hakarak kandidata nia an, maibe povo maka sei hili deside iha eleisaun,”sublinha dusae.

Entertantu deputadu Independente, Mateus de Jesus haktuir, ema hotu iha direitu atu kandidata an sai xefe estado, maibe importante maka iha interese boot atu servisu rai no povo ida ne’e.

“Ema hotu direitu kandidata an sai Prezidente da Repúblika, maibe sai lideransa nasaun importante maka iha konsensia de esperito de responsablidade ne’e iha,”katak deputadu Mateus.alf

.