Joven Nain Tolu Mate Iha Dili, Koko Kapasidade PNTL

.

Josefa Parada - Segunda, 04 Abril 2011 - SUARA TIMOR LOROSAE

DILI—Hafoin United Nations Police (UNPOL), intrega poder ba Polisia Nasional Timor Leste (PNTL), mosu tentative hodi koko kapasidade polisia nian. Ho tentative hirak ne’e polisia konesege kaer ona suspeitu balun oras ne’e dadaun iha ona sela komando PNTL.

Komandante Servisu Investigasaun Kriminal (SIC), Superintendente Xefi, Jose Soares ba STL iha nia servisu fatin, Kaikoli, Dili, Segunda (4/4). Bainhira sira simu tiha poder ema oho malu naba-naban deit, ida ne’e sira konsidera hanesan tentative.

Akontese ema oho malu hanesan iha 26/3, iha kalan bo’ot rezulta joven ida mate, iha Bidau, polisia kaer ona suspeitu balun hodi tuir prosesu investigasaun.

Depois tuir, mai iha 1/4, akotese tan iha tuku 4.30 OTL, ema baku malun rezulta Anastasio da Silva mate iha fatin, iha momentu ne’e kedas Task Force Distritu Dili kaer kedas suspeitu nain tolu, oras ne’e dadaun tama iha sela komando PNTL.

Tuir, Mai iha 3/4, tuku 11:30 kalan OTL, ema sona joven ida iha terminal Tasi Tolu, ho naran Silvino Baros mate iha fatin, bainhira nia hein kareta atu fila ba Bobonaro, akontesementu Task Force konsege kaer suspeitu nain oras ne’e dadaun tama ona iha prosesu investigasaun.

“Bainhira ami simu hikas poder asidente mosu iha Dili laran tuir malu deit ida ne’e ita hare hanesan akotesementu ne’ebe akontese iha local, ita labele jeneraliza katak kazu ida ne’e buat bo’ot ida,” nia informa.

Nia reforsa tan katak, mesmu uluk seidauk intrega mos kazu oho malu hanesan ne’e ne’eduni buat neebe akontese ne’e natureza. Ne’eduni akonetese mentu hanesan iha loron hirak liu ba hanesan tentiva ida, hatudu katak atu koko polisia nia kapasidade, no polisia prontu atu responde, maibe to agora polisia responde duni situasaun ida ne’ebe akonetese kaer duni suspeitu hirak ne’e.

Testamunha ba kazu sona malu iha tasi Tolu, Sebastiao Araujo informa, akontesementu ema nain ha’at ho motor ne’ebe sona Silvino Baros, bainhira sona tiha ema nain ha;at ne’e halai hodi hakilar katak naok ten tana, depois halo ema iha tasi Tolu hakfodak.

“Hau rona duni ema hakilar, maibe hau lahare los ema ne’e se’e, derepenti deit ema nain ha’at ne’e, hau mos duni tuir, maibe lakonsege toman sira,” hatete testaminha ne’e.

Iha fatin hanesan, alin husi familia vitima, Anato Baros, sente hakfodak tebes bainhira akontese ema sona nia maun, Silvino baros. Ne’eduni nia husu ba iha polisia atu kaer hotu ema nain hira ne’ebe diskunfia oho ne’e.

“Hau hatene katak, hau nia maun ne’e nunka halo problema ho ema ruma, no hau nia maun mai husi foho atu sosa sasan atu fila hikas ba Bobonaro, maibe derepenti deit ema sona, ne’eduni hau husu polisia tenke buka tuir ema ne’e to kaer, hodi responsabiliza ba hahalok ne’ebe sira halo,” hatete Anato.

Nune’e mos Menuel da Silva komunidade nebe hela iha Tasitolu mos husu ba Governu para autoriza PNTL, karik iha ema mak kria instabilidade ba komunidade bele tiru tohar deit sira nia ain ou tembak ditempat hodi nune joven sira ne’ebe malandru ne’e bele tauk se’e lae ema oho malu lor-loron deit. Oscar Salsinha.
.