Written by Mouzinho Nappoleao no Abel - CJITL - Thursday, 21 April 2011
CJITL Flash, Organizasaun Lalenok Ba Ema Hotu - LABEH hakilar ho lian makas ba Ministra Justisa, Lucia Lobato atu ba hatan iha tribunal kona ba akuzasaun fa’an sasan Prizoneiru sira nia iha distritu Ermera inklui orsamentu ba guarda Prezoneiro ne'ebe lakon.
LABEH hato'o ida ne'e liu husi konferensia ba imprensa, Quarta feira ne'e (21/4) iha Sekretariadu LABEH, Malinamuk, Dili.
“Ministra Justisa Lucia tenke ba hatan iha tribunal konaba moru prizaun Bekora nian ne’ebe gasta orsamento geral do estado ho foli bo’ot teb-tebes” hateten LABEH.
Ejijensia ne'e hato'o husi Direitor Executivu LABEH, Christopher Henry Samson.
Christopher Henry Samson husu ba Ministra Justisa atu ba hatan iha tribunal konaba orsamento kompensesaun ne’ebe Ministra rasik maka aprova hanesan U$ 22.000 ba ema ne’ebe okupa uma estado nian maibe ema sira ne’e hela iha Brimob no seluk tan hetan deit U$ 2000 to U$ 2.500, ema balun hetan fali orsamentu bo’ot, ne’e hanesan diskriminasaun bo’ot ba komunidade Brimob.
Iha konferensia ne'e, LABEH hatudu sai evidensias balun ne'ebe husu atu tribunal bele kontinua loke investigasaun hasoru Lucia Lobato.
To'o publikasaun ne'e hatun, Lucia Lobato seidauk fo konfirmasuan tanba loron bo'ot paskoa. (Mouzinho Napoleon & Abel/CJITL)
.
0 comentários:
Enviar um comentário