Josefa Parada - Sesta, 15 Abril 2011 - Suara Timor Lorosae
DILI–Partidu Fretilin sei halo koligasaun wainhira manan iha eleisaun jeral 2012. Partidu istoriku nee nakloke ba partidu nebee deit mak hakarak halo belun, importante mak iha interese no objetivu hanesan atu halao dezenvolvementu ba rai ida nee.
Tuir Segundu Vice Prezidente Partidu Fretilin, Arsenio Bano, diskusaun Fretilin nian nakloke. Fretilin nakloke ba ema hotu-hotu, tamba diskusaun ba asuntus koligasaun ka la koligasaun nee, asuntu ida nakloke husi Fretilin.
“Fretilin sei ba mesak iha eleisaun, isei hatudu katak Fretilin sei manan iha eleisaun. Tamba nee ami la taka posibilidade ke agora hanesan aliansa nebee ha¬lo Fretilin ho ASDT, la taka posibilidade ho partidu sira seluk,” nia informa ba jurnalista sira iha Fundasaun Oriente, Kinta (14/04).
Bano sublina, Fretilin hakarak hateten katak, iha kualker aliansa depois de eleisaun oin mai nee, definisaun kona ba komprimisiu politika tenke lao. Fretilin la pro korupasaun, kolusaun, ho nepotismu, la pro ba Ministru ida haree ba nia partidu, no haree nia ema sira nee. Ezemplu ida nee ladiak, tamba ida nee mak Fretilin lakohi.
“Hau hakarak hateten katak, pioneriu ba demokrasia iha rai nee mak Fretilin, tamba Fretilin mak loke dalan ba partidu barak-barak mósu, tamba konstituisaun, tamba lei maioria parlamentaria. Iha momentu nebaa, Fretilin mak halo. Nee mak hamósu multi partidaria iha rai ida nee,” katak nia.
Nia haktuir, ASDT ho Fretilin nia estratejika iha tiha ona. Fretilin deskuti ho ASDT liu tinan rua ona, nia dokumentus nee iha, nia diskusaun nee iha, tamba nia meiu uniku partidu ke Fretilin iha hanesan assinatura konkretu.
Bano hatutan, ho partidu seluk Fretilin deskute, koalia hanesan bain-bain, saida mak tenke responsabilidade hanesan partidu hotu-hotu, labele responsabilidade ba rai nee fo deit ba Partidu ida mak responsavel, maibe partidu hotu-hotu tenke iha komprimisiu katak estabilidade nee iha hotu-hotu nia liman, povú hotu, i responsavel politiku sira i partidu sira hotu, nee mak rai nee bele forte.
Iha fatin hanesan mós, Membru Comite Central Fretilin (CCF) atual Membru Parlamentu husi Opozisaun, Estanislau da Silva hateten, sira iha ona kontaktu ho Partidus Politkus balun nebee hakarak halo koligasaun ho Fretilin. Maibe depois de eleisaun mak Fretilin foin haree ho partidu see mak presiza tuur hamutuk hodi ukun rai ida nee.
“Ami hare ba partidu ida nebee ke sempre fiar ba rai ida nee. Partidu ida nebee ke sempre iha sentidu du Estadu, respon sabilidade ba rai ida nee, i ida nebee ke partisipa luta hodi Timor-Leste ukun an nee,” nia aumenta.
Nia dehan, laós deit haree ba ema nee nia kapasidade. Ema sira nebee uluk fo kontribuisaun, i bele hamutuk ho Fretilin atu nunee bele kria estabilidade ba rai ida nee.
Hatan ba Kolegasaun nebee Partidu Fretilin iha hanoin atu halo nee, Justino Maya, nudar Juventude Militante Fretilin nian fo apoiu tomak atu nunee iartidu historiku rua nee bele halo koligasaun hodi nunee bele lori Nasaun no Povú Timor-Leste nee ba futuru.
Hermenegildo dos Santos (Estudante UNTL) iha nia hanoin katak, ida nee direitu partidu idak-idak nian, tamba lei mak hateten katak tenke halo koligasaun ba partidu seluk atu nunee bele ukun rai no povú ida nee. Pri
.
.
0 comentários:
Enviar um comentário