Josefa Parada - Segunda, 11 Abril 2011 - SUARA TIMOR LOROSAE
DILI- Bankada FRETILIN iha Parlamentu Nasional (PN), liu husi deklarasaun parlamentares politika iha Sesaun Plenaria periudu antes ordem do dias, husu ba governu atu halo investigasaun ba pontes airin nebe tohar, tanba tuir sira nia hare katak airin pontes ne’e laiha kualidade.
“ Hahalok ne’e ami konsidera hanesan krime, tanba bosok, halo la tuir Norma ISO. Ho nune’e Fretilin husu atu halo investigasaun tanba Pontes nebe hanesan monta barak iha Timor laran tomak,” Hatete Inacio wainhira Sesaun Plenaria iha PN, Segunda (11/4).
Iha ano Fiscal 2009 dehan Inacio, aloka tan osan tokon ba tokon, katak atu sosa tan Jeradores usadus husi China, maibe dala ida tan la konsege ezekuta osan ne’e tanba Timor Leste laos fatin sasan Uzadus husi rai liur. Osan tokon ba tokon hirak ne’e mak aloka ba fali Pakote Referendum.
Resultado projetus Pakote Referendum, maka ohin loron Povu ida ne’e halerik ba Be Mos, Estradas nia condisaun a’at liu tan deit, Estradas Nacionais no Distritais barak mak kotu, Governasaun Aliansa Maioria Parlamentares (GAMP), lakohi fo atensaun. Hakarak deit mak halo “Proyek Proyek yang gampang untuk bisa mendapat dan membagi uang yang gampang”.
Entretantu, Deputadu Arao Noe de Jesus C. Amaral husi CNRT informa katak Elektrisidade ne’e halo iha 2009 no projetu ida bo’ot presija tempu no ita labele halo ohin koalia aban hotu kedas tanba ida ne’e so milagre. Prosesu konaba ida ne’e lao da-dauk foin da-dadauk Komisaun G ba to’o Italia hare fabrika ne’e no jerador 7 atu mai iha Metinaru prontu ona. 3 tes kedas no 4 seluk sei prepara.
“ Ami fiar katak iha Junhu ba Julhu jerador 3 to’o iha Timor atu monta estalisaun tanba ne’e prosesu lao hela tanba ne’e maka hau hanoin katak ita bo’ot nia komentariu ne’e tenki liga mos ba realidade,” hatete Arao.
Liafuan hanesan reforsa husi Presidente Komisaun G PN Asuntu Infra-estrutura no Equipamentu Sosiais, Pedro das Martires da Costa katak deklarasaun husi Bankada FRETILIN ne’e hanesan preokupasaun. Nune’e mos konaba asuntu ida ne’e tenki komprende katak rekursu umanus sei limitadus ne’e hanesan dasafiu ida ba nasaun nebe foin ukun a’an.
Presidente Parlamentu Nasional, Fernando “La Sama” de Araujo hatete postu ring foun ne’e tohar grave teb-tebes. Tuir Presidente Parlamentu ne’e katak postes ring ne’e maka tohar ne’e buat seriu. Ho haraik a’an “La sama” husu ba Komisaun G PN tenki halo investigasaun konaba postes nebe tohar.
“ Husu ba Presidente Komisaun G PN, karik aban bele informasaun ne’e mai iha plenaria tanba ring hanesan atu ba tau iha fatin bar-barak. Nebe tenki ba investiga buat ne’e ho didiak,” komenta “Lasama”. Jaime do Rosario
.
.
0 comentários:
Enviar um comentário