Fretilin Hari'i Hikas Radio Maubere

.

Written by Mouzinho Napoleao Bobo - CJITL - Tuesday, 19 April 2011

CJITL Exlusivu, Antena Radio komesa hari'i hikas iha Cede Comite Central Fretilin – CCF iha Comoro, Dili, antena Radio ne'e hanaran Radio Maubere ne'ebe partidu ne'e sei lansa hikas ba publiku iha 20 Maiu 2011.

Jose dos Reis, Adjuntu Sekretariu Jeral Fretilin, ba CJITL online terca feira ne'e hateten katak semana ida ne'e nia laran Radio Maubere sei halo teste nia frekuensia molok lansa ba publiku iha loron 20 Maiu mai.

“Radio ne'e iha naran no iha istoria, Radio ne'e uluk Fretilin mak hari iha tinan 20 Augustu 1975, no durante funu radio n'ee mate, agora membru CCF sira iha vontade atu hamoris fali radio istoriku ne'e” Reis hateten.

“Agora dadaun iha ona studio, iha ona lisensa husi ARCON,iha ona sertifikadu, lisensa frekuensa husi Ministerio Infrastrutura, hein deit ona lansamentu” Reis konfirma.

Ho nune’e Jose Maria dos ries esplika Fretilin loke radio maubere tamba iha istoria ida desde 1975. Iha 1975 Fretilin mos aproveita radio emisora hato nia programa iha loron Qoarta-quarta programa nia naran maka haksolok.

Tuir Reis, Radio Maubere la'os deit hato'o informasaun konaba Fretilin nian, maibe sei hato;o mos noticia nasional no internasional.

“Ami sei presiza ema n'eebe iha kualidade servisu iha radio no ho esperensia no dedikasuan diak” Reis hatutan tan.

Tuir informasaun ne'ebe CJITL hetan husi deputado Fretilin iha Parlamentu Nasional katak, Fretilin mos iha planu atu hari'i Televizaun ida hafoin Radio Maubere lansa liu fulan 6 resin. (Mouzinho Napoleao Bobo/CJITL)
.