Jornal Nacional Diário - Sesta,15 de Abril de 2011
Dili-“Sekretariu Jeral Ministeriu Negosiu Estanjeiru (Sekjen MNE), Jorge Trindade Neves de Camoes, obrigado matan ben monu iha julgamentu, kinta (14/4). Camões matan ben monu, tanba la augenta ho nia sentimenu emosional wainhira responde pergunta bertubi tubi husi prokurador sira iha Tribunal Distritu Dili, wainhira sai sasin ba kazu alegasaun korupsaun no hariku an hasoru arguido Jose Luis Guterres.
Camões ho laran dodok no matan wen deklara ba juiz ho prokurador sira katak, nia lamerese atu sai sasin ba kazu injustisa bo’ot hasoru Vise PM Jose Luis Guterres ho nia kaben Ana Maria de jesus Morais Valeria, ne’ebe nomeia sai nuudar konseleiru ba embaixada Timor Leste iha Nova Iorke,”Hau nia matan ben monu tanba sentiment humanu basaa, ema ida ne’ebe hala’o servisu iha Nova Iorke depois mai hala’o fali funsaun governante iha Timor paska krizi 2006 hodi husik hela familia tomak iha Nova Iorke, maibe estadu lakria kondisaun ba familia sira,” Camoes responda jornalista sira hafoin fo sasin iha Tribunal distritu dili, nia espresa katak, estadu TL iha obrigasaun atu kria kondisaunba familia Jose Luis guterres nian iha Nova iorke, maibe la kria kondisaun minimu ba familia maka prezodika fasilidade iha uma laran.
“Dala barak estadu la tetu no haree katak, sira bolu tia ema ba servi interese nasaun nian, mas prezodika hela familia sira, tanba ne’e, estadu tenki iha obrigasaun minimu atu ajuda,”nia afirma tan.
“Hau hare kazu ne’e ita finalize ema ne’ebe mak ita rasik obriga nia halo tuir, mas ita la kria kondisoens ba ema nia uma laran, ne’e injustisa bo’ot,”Camoes deklara, ba tribunal katak, hahu husi 2007, MNEC seidauk iha lei ba kareira diplomatiku sira, tanba situasaun ejiji entaun halo MNEC dezigna deit ema estranjeiru ba tur iha ne’eba tuir konvensaun internasional kona ba relasaun entre paizes.
”Nomeasaun ne’e politikamente atu responde nesesidade estadu nian, tanba ne’e ita kuandu nomea ema estranjeiro tuur iha ne’eba hodi hala’o misaun TL ita tenki kria kondisaun,”dehan Camoes. Iha kontinuasaun julgamentu ba kazu arguido ne’e, presta mos deklarasaun husi sasin Francisco Maria de Jesus Lopes, Asistensia Protukolu MNE, Manuel Monteiro Director Nasional Aprovizionamentu Ministeriu Finansas, ho Domingos Savio husi Gabinete Vise Primeiru Ministru.
Informasaun ne’ebe Diario ne’e asesu katak, tuir lolos tribunal rona deklarasaun sasin nain lima maka Francisca Maria de jesus Lopes, Manuel Monteiro, Jorge Trindade Neves de Camoes, Domingos Savio no Adalgisa Magno, maibe sasin Adalgisa magno sei ba halao estudu majistradu iha rai liur. Tanba ne’e Minsteriu Publiku (MP) hato’o pedidu katak faktus sira ne’e sufisiente ona no la presiza tan rona Adasiza nia sasin, informasaun hikus husi tribunal katak, Prezidente Republika (PR) Jose Ramos Horta mos fo ninia deklarasaun ba tribunal liu husi karta de deklarasaun, kazu ne’e rasik rezistu iha tribunal ho numeru prosesu 266/C.ord/TDD/2010 ne’ebe kaer husi Juis kolektivo Dr. João Ribeiro, Dr. Alvaro Maia Freitas. Sai nudar prokurador mak Aderito Tilman, Luis Landim ho Antonio Tavares no nudar defeza mak Sergio Hornai, Cancio Xavier no Cerilio Vangas.sel/nty
.
0 comentários:
Enviar um comentário