Josefa Parada - Segunda, 18 Abril 2011 - SUARA TIMOR LOROSAE
DILI–Komunidade nebe hela iha Kapital Dili lakon konfiansa tomak ba Sekretariu Estadu Eletrisidade Agua no Urbanizasaun (SEEAU) Januario Pereira. No ejiji Primeiru Ministru Xanana Gusmao, tebe sai SEEAU husi governu Aliansa Maioria Parlamentar, tanba la serve ba SEEAU.
“Ita la bele hela ho situasaun hanesan nee, PM Xanana tenke buka ona solusaun, ahi mate bebeik tanba faila husi jestaun kompanha nian ou tanba politika mak ladiak,” Arcanjo Marques (Comunidade), kasu lia hirak nee ba STL iha komoro, Sesta (15/4).
Arcanjo duvida tebes ho kapasidade Sekretariu Estadu, Januario Pereira nian, nebe durante haat nia laran laiha kbiit rezolve problema eletrisidade iha capital Dili. “Ahi mate iha tinan ida ka rua nee normal, tanba foin aprende, mas tinan haat ona, ne’e ami duvida,” tenik Arcanjo.
Iha fatin seluk, Sebastiao Almeida (Comunidade Lurumata) kestiona mos kapasidade SEEAU nian, tanba ema barak hakilar ahi eletrisidade desde tinan hirak nee, maibe nunka rezolve.
“Ahi ne’e loron ida sempre mate dala 10 ou liu, nune’e ema hotu labele halo sira nia atividade, nee laos komunidade deit, maibe inklui mós instituisaun estadu, sira labele servisu hodi atende povu tanba ahi mate,” komenta Almeida.
Nune’e mós, Calistro Maria Magalhaens, (Juventude) hatete TL la presiza ona SEEAU basaa eksistensia SEAU nian kuaze laiha valor. “Nia iha ka laiha hanesan deit, tanba iha SEEAU mos ahi mate lakan, laiha mos hanesan deit ahi kotinua mate,” tenik Calistro.
Nunee mos ho Mariano Margaretha da Silva nebe deskontente ho atendementu EDTL nian no husu governu nebe lidera husi PM Xanana Gusmao atu rezolve lalais tanba povu barak mak vitima ba ahi mate lakan. “Eletrisidade iha Dili laran ne’e sempre mate hela deit, tanba ne’e tenke identifika tanba sa ahi mate, se kauza husi liga illegal, oinsa ho kontrola EDTL nian durante nee. Oinsa ho sistema kontrola prepagu.” pri
Imagem de,OneThousandWords.
.
0 comentários:
Enviar um comentário