“ Lori MTCI Ba Tribunal ”

.
Timor Post - Sesta, 04 Marsu 2011

Dili-“Advogado Angelo Neves, promete prosesa Dirasaun Inspeksaun Alimentar Ekonomia, Ministeriu Turizmu Komersio no Industria (MTCI), ba tribunal tamba hasai ema inosenti husi kos laran.

La’os ne’e de’it, advogado ne’e akuza MTCI hafoer kliente ho inisial RC nia kaben, nudar ema prostutitu iha TL.

Nia kliente servisu ba loja balun iha Dili, kliente ne’e aluga kuartu besik bar, nia hakfodak, tanba derepenti polisia ho ekipa IAE bad ere odamatan, dada sai ninia kliente nia kaben husi kuartu laran, lori ba polisia imigrasaun.

“Sira dada ema sai husi uma, semi ha mandate ruma husi tribunal,”Angelo kestiaona.

“MTCI la’os imigrasaun, atu dada sai ema arbiru husi kos laran no estraga ema sira nia naran, hau kontinua prepara hodi lori prosesu ne’e ba iha Ministeriu Públiku atu prosesa ba iha tribunal tuir lei,”nia informa ba Timor Post, Via Telefone Kinta (03/03.

Angelo husu ekipa IAE atu kolabora ho imigrasaun, atu inspeksaun la’o ho susesu,”hau fiar MTCi sei lakon, tanba laiha kompetensia hodi halo Buska ba ema nia uma,”nia esplika.

“Senhor ne’e hanoin nia mak matenek liu hodi depende nia rajaun mak los, maibe hau husu mandadu buska husi tribunal iha ka lae, tama ema nia fatin? Realidade hatudu laiha mandate, entaun, sira nia buska ne’e illegal, tamba la tuir lei, hau nia kliente sira ne’e kos iha oin, maibe MTCI ba foti sira nian passaporte mai hotu iha ne’e,”dehan nia.

Xefi Divizaun Fiskalizasaun Departamentu Imigrasaun, Gregoriu Marques Soares esplika, inspeksaun ne’e konsege deteta feto na’in lima ho viza turista, tuir loloos labele uza ba servisu nian.(*)
.