Josefa Parada - Kinta, 31 Marsu 2011 - SUARA TIMOR LOROSAE
DILI- Diretora Geral Ministeriu Turismu Comerciu no Industria, (MTCI), Georgina Manuela Corte-real hatete katak Governu liu husi MTCI agora dadaun laiha ona intervensaun fos husi postu de Venda.
Tuir Corte-real laiha intervensaun tamba iha ona despashu ministerial iha desijaun Governu nian husi PM, Xanana Gusmão katak laiha intervensaun merkadu. Signifika katak laiha ona postu de venda fa’an fos husi MTCI tamba laiha ona intervensaun.
“Agora dadaun kuandu iha intervensaun sei iha kazu nesesariu katak iha fatin ne’ebe tamba Estrada a’at no transporte inklui hahan laiha kazu exemplu hanesan iha oe-cusse iha temporaria fulan rua laiha transporte ba iha oe-cusse. Entaun ministeriu iha obrigasaun halo intervensaun iha ne’eba,”hatete Corte-real ba STL iha Dili, Konvention Center, Merkadu Lama, Segunda (28/3).
Tuir Corte-real, kuandu iha fluktuasaun presu ida a’as tebes. Hare katak subida presu ne’e maka’as ba fos, ne’e mak ministeriu halo intervensaun. Intervensaun ne’e la liu ona hanesan husi maluk sira postu de venda ou lojas. Maibe intervensaun ministeriu sei halo direita ba iha fatin ne’eba.
Ministeriu mos sei halo kordenasaun ho polisia atu fo seguransa nomos kordenasaun ho estatal inklui autoridade local atu ajuda ministeriu iha interven¬saun. “Ida ne’e mak agora da¬daun ministeriu halo nomos Mi-nisteriu la atravez ona husi postu de venda,”dehan Corte-real.
Neduni, sira nia ministeriu iha obrigasaun halo intervensaun atu normalize presu nomos atu tau fos iha merkadu katak aihan iha. Signifika katak presu labele sa’e maka’as no aihan iha merkadu iha. “Ministeriu iha obrigasaun halo intervensaun kuandu kazu nesesariu. Entaun ministeriu halo intervensaun direita la liu husi postu de Venda,”nia esplika.
Iha parte seluk, Membru Komisaun E PN, Deputada Virginia Ana Belo hatete katak, iha fatin hotu iha postu de venda ka lae, oras ne’e sira sedauk hare kona ba ida ne’e. Maibe iha parte balun iha postu de venda nia hanoin fos MTCI hotu hatene katak governu la fa’an fos ona maibe fos MTCI atu fo subsidiu no atendementu deit ba dezastre naturais nomos situasaun emergensia nia laran.
“Karik postu de venda iha fatin-fatin sei iha hau hanoin fos ida atu haruka direitamente ba populasaun deves emkuandu akontesementu iha fatin ruma. Sira labele halo distribuisaun langsung entaun sira uza nafatin postu de venda hodi sementara tau fos molok halo distribuisaun,”Virginia tenik.
Nune’e mos Deputadu Independen, Mateus de Jesus hatutan katak, se governu laiha intervensaun kona ba postu de venda bele garante Governu nafatin iha intervensaun merkadu. Exemplu hanesan kazu nesesaria ne’ebe iha, Governu tenke iha obrigasaun atu interven,”hatete Mateus. Aljira Boavida (konsumidor) hatete, maske governu halo intervensaun la liu husi postu de venda, querdizer sira tenke nafatin iha obrigasaun kuandu mosu kazu nesesaria tamba ne’e importante. Vey
.
1 comentários:
Enviar um comentário