“FRETILIN La Ukun Maibe La Halo Violensia”

.
Jornal Nacional Diário - Sesta, 04 Marsu 2011

Dili-“Partidu isoriku FRETILIN hatudu duni ninia maturidade politika no ezemplo diak ba mundu, ninia prinsipiu defende estabilidade, tamba maske manan elisaun jeral no la kaer ukun maibe la halo violensia.

“Iha 2006 FRETILIN hasoru difikuldade boot, biar nune’e FRETILIN manan nafatin iha leisaun, maske la ukun maibe ita manan duni elisaun, ne’e laiha ema id abele nega ida ne’e, ita la ukun maibe ita la halo violensia, ita hasoru violensia ho mensazen lia los nian, ita hatan violensia ho mensazen hametin pas no estabilidade nian,”hatene sekretariu Jeral Partidu FRETILIN Dr. Marí Alkatiri ba nia kudrus militante no simpatizantes iha konsolidasaun Partidu iha suku Poetete distritu Ermera.

Ho ida ne’e dehan Marí Alkatiri, dekada ida ne’ebe to’o 2020 dekade ida ne’ebe paz, estabilidade no dezenvolvimentu, ne’ebe FRETILIN rasik mak tenke halo ida ne’e.

Durante iha konsolidasaun ne’e Sekretariu Jeral FRETILIN mos esplika ba nia kudrus no militantes sira kona ba odjetivu konsolidasaun.

“Ita atu konsolida ita nia estrutura ne’ebe mak hili ona iha rejustamentu AGM, iha neba ita hili ita nia lideransa husi Aldeia, Sukus mai to’o Distritus, tamba ne’e mak ita tenki konsolida fila fali ita nia estrutura sira ne’e, ita hare fila fali funsionamentu estrutura lao ga lae, servisu diak ka lae, signifika ita tenki prepara ita nia estrutura diak liu tan it abele manan vitoria iha tinan 2012, ida ne’e mak objetivu ita nian,”haklaken Alkatiri.

FRETILIN tenki hatudu duni ezemplu garante paz ho estabilidade tamba dehan Marí Alkatiri povu lakohi ona violensia.

“Sedeit mak hakarak halo violensia iha rai ida ne’e aban bain rua estadu sei toma konta, ita hotu hatene katak, se mak sai autor loloos ba krizi 2006 ne’ebe estraga sasan barak, halakon ema nia vida ne’ebe afeta ba paz, estabilidade no dezenvolvimentu iha rai laran, tamba ne’e mak ita tenki prepara an atu bele manan iha elisaun hodi bele ukun, nune’e it abele hadia fila fali saida mak sira halo sala agora,”tenik Marí Alkatiri.eis Primeiru Ministru Governu konstitusional ne’e hateten tan katak, partidu ne’ebe deit mak manan 2012 sei hasoru difikuldade barak.

“Kamarada sira, klaru ona katak se mak manan iha elisaun 2012 hodi ba ukun, nia sei hasoru difikuldade boot, nia sei resolve problema oi-oin, hanesan infraetrutura, saudi, Edukasaun, no sistema governasaun.

Governu AMP ukun ho osan ida ke boot, ukun ho miliar maibe Estrada kuak ba bei-beik, kadeira laiha, livrus laiha, merenda eskolar lao la los, aimoruk ba ema moras sira laiha, tenke ba hola iha klinika privadu, osan povu nia gasta nar-naran deit tuir sira nia vontade,”dehan Alkatiri.(*/xio)
.