"Deputado CNRT Hateten Lia Falsu"

.

Foto - CJITL

CJITL - 14 March 2011 - Written by Brites de Araujo

Ermera flash, Estudante medisina ne’e halo hela estajiu iha Distritu Ermera hamutuk ho Asosiasaun estudante Ermera (ASER) halo komferensia ba imprensa iha Sentru Saude Distrital Ermera (SDS) hodi Responde ba deklarasaun Deputado Natalino do Santos husi Bankada CNRT.

Konferensia imprensa ne’e hala’o ho objektivu atu responde ba steitmentu deputado Natalino dos Santos ne’ebe fo sai iha plenaria no media iha Tersa 01/03/2011 ne’e hateten estudante medisina, ho Medicu cubano sira iha ermera, kalan –kalan sempre hetan tuda husi joven sira iha tempu kalan.

Konferensia ne'e hala'o semana kotuk hodi kontra deklarasaun ne'ebe hato'o husi deputado Natalino semana liu ba.

Responde ba Deklrasaun ne’e, Senado Faculdade Medicina Timor Leste , Herculano Seixas dos Santos hateten bazeia ba informasaun nebe deputado Natalino hateten katak deklarasaun ne’e bosok no falsu.

“Ami estudante medisina Distritu Ermera hamutuk ho senado Faculdade medisina, Asosiasaun ,Universidade, Joventude Distritu Ermera no Autoridades Servisu Saude Distrital ermera Deklara ba publiku katak informasaun ne’ebe deputado Natalino Husi CNRT la los ka la refleta ba situasaun real, tanba ami estudante medicina Distritu Ermera realmente sedauk iha problema ho joventude no komunidade sira.

“Ami estudante medicina respeita no tane as valores direitus humanus no kultura Timor nian, husu ba komunidade no autoridades no joventude sira hotu atu kotribui ba prosesu formasaun estudante medicina Timor” Herculano apela.

Entertantu Presidente ASER Sabiano de Jesus mos apela ba deputados hotu , kuando rona isu ruma hanesan ne’e lalika foti iha plenaria ne’e halo la satisfas ba ema Distitu Ermera tomak.

“Hau nudar sidadaun timor nia oan, liu liu Ermera oan la konkorda hahalok no atetude, ne’ebe deputado Natalino, nia liafuan nebe afeita ba ami nia korasaun” nia hateten. (Brites De araujo/CJITL Ermera)
.