.
Josefa Parada - Kuarta, 23 Fevereiru 2011 - SUARA TIMOR LOROSAE
DILI- Situasaun rai laran dadaun ne’e sai preokupasaun ema hotu nian, komunidade barak maka trauma no preokupa tebes ho seguransa, liu-liu konfrontu entre jovem sira nebe sempre akontese iha Bairo laran.
Hatan ba preokupasaun komunidade nian ne’e, Komandante Jeral Falintil Forsa Defeza Timor Leste (F-FDTL), Jeneral Taur Matan Ruak hateten problema ne’e hanesan preokupasaun ema hotu nian, tamba ne’e sira rasik hanesa isntitusaun estadu nebe iha responsabilidade ba kestaun ne’e, halao ona inkontru ho Sekretariu Estadu Defeza no Seguransa nomos Komandante Polisia Nasional Timor Leste (PNTL), atu halo analiza situasaun refere.
Taur hateten, bainhira analiza hotu situasaun, maka se karik iha medidas ruma maka sira sei foti tuir lei nebe iha. Tamba ne’e sira , mos sei kopera ho komunidade sira, halo diskusaun hamutuk ho sira atu nune’e bele hatene lolos kauza husi problema ne’e saida.
“ami foin dadauk ne’e iha reuniaun ida, analiza oituan situasaun, I foti ne’e hanesan preokupasaun, sei iha medidas ruma persija ita lao, kontaktu ho populasaun involve sira iha diskusaun, ita bele hatene lolos kauza problema ne’e saida,” dehan Taur ba jornalista sira, hafoin halao inkontru semenal ho Prezidenti Republika (PR) Jose Ramos Horta, iha Palacio Prezidenti Nicolao Lobato, Kuarta (23/2).
Komandante Jeral ne’e, hatutan sira rasik disponivel atu kopera hamutuk ho komunidade sira, liu-liu iha disminasaun informasoens, tamba kazu hirak nebe mosu, iha tendesoens oi-oin. Balun dehan problema rai, balun dehan problema arte marsiais, problema geng nomos dehan problema desempregu.
Hatan ba objektivu husi inkontru ho PR Horta, Taur hateten, ne’e hanesan inkontru semenal, nia mai hato’o situasaun rai laran nomos aktividade F-FDTL nian ba Xefi Estadu.
Kestaun seguransa rai laran mos sai preokupasaun ba deputadu sira iha uma fukun Parlamentu Nasional (PN). Foin lalais ne’e, deputadu Aderito Hugo da Costa husi bankada CNRT, informa katak kondisoens nebe PN ejiji maka tenki halo seguransa makas, tanba atividade krime homesidu dadaun ne’e akontese hodi rejulta ema mate.
Deputadu ne’e rasik sei duvida, motivu saida maka akontese oho malu no konflitu bebeik iha bairo-bairo, la hatene los atividade durante ne’e iha unsur politika ka motiva politika nian, maibe nia husu polisia tenki halo investigasaun.
“ Hau kestiona kontrolu seguransa nian maka la para, nune’e polisia tenki halo investigasaun no identifika lolos,” tenik Aderito foin lalais ne’e. Josefa Parada
.
Josefa Parada - Kuarta, 23 Fevereiru 2011 - SUARA TIMOR LOROSAE
DILI- Situasaun rai laran dadaun ne’e sai preokupasaun ema hotu nian, komunidade barak maka trauma no preokupa tebes ho seguransa, liu-liu konfrontu entre jovem sira nebe sempre akontese iha Bairo laran.
Hatan ba preokupasaun komunidade nian ne’e, Komandante Jeral Falintil Forsa Defeza Timor Leste (F-FDTL), Jeneral Taur Matan Ruak hateten problema ne’e hanesan preokupasaun ema hotu nian, tamba ne’e sira rasik hanesa isntitusaun estadu nebe iha responsabilidade ba kestaun ne’e, halao ona inkontru ho Sekretariu Estadu Defeza no Seguransa nomos Komandante Polisia Nasional Timor Leste (PNTL), atu halo analiza situasaun refere.
Taur hateten, bainhira analiza hotu situasaun, maka se karik iha medidas ruma maka sira sei foti tuir lei nebe iha. Tamba ne’e sira , mos sei kopera ho komunidade sira, halo diskusaun hamutuk ho sira atu nune’e bele hatene lolos kauza husi problema ne’e saida.
“ami foin dadauk ne’e iha reuniaun ida, analiza oituan situasaun, I foti ne’e hanesan preokupasaun, sei iha medidas ruma persija ita lao, kontaktu ho populasaun involve sira iha diskusaun, ita bele hatene lolos kauza problema ne’e saida,” dehan Taur ba jornalista sira, hafoin halao inkontru semenal ho Prezidenti Republika (PR) Jose Ramos Horta, iha Palacio Prezidenti Nicolao Lobato, Kuarta (23/2).
Komandante Jeral ne’e, hatutan sira rasik disponivel atu kopera hamutuk ho komunidade sira, liu-liu iha disminasaun informasoens, tamba kazu hirak nebe mosu, iha tendesoens oi-oin. Balun dehan problema rai, balun dehan problema arte marsiais, problema geng nomos dehan problema desempregu.
Hatan ba objektivu husi inkontru ho PR Horta, Taur hateten, ne’e hanesan inkontru semenal, nia mai hato’o situasaun rai laran nomos aktividade F-FDTL nian ba Xefi Estadu.
Kestaun seguransa rai laran mos sai preokupasaun ba deputadu sira iha uma fukun Parlamentu Nasional (PN). Foin lalais ne’e, deputadu Aderito Hugo da Costa husi bankada CNRT, informa katak kondisoens nebe PN ejiji maka tenki halo seguransa makas, tanba atividade krime homesidu dadaun ne’e akontese hodi rejulta ema mate.
Deputadu ne’e rasik sei duvida, motivu saida maka akontese oho malu no konflitu bebeik iha bairo-bairo, la hatene los atividade durante ne’e iha unsur politika ka motiva politika nian, maibe nia husu polisia tenki halo investigasaun.
“ Hau kestiona kontrolu seguransa nian maka la para, nune’e polisia tenki halo investigasaun no identifika lolos,” tenik Aderito foin lalais ne’e. Josefa Parada
.
0 comentários:
Enviar um comentário