”Maun Xanana Loke Dalan Ba Oportunista”

.
Timor Post - Kuarta, 16 Fevereiru 2011

Dili-“Husi inisio Maun Bot Xanana fo tiha ona oportunidade ba oportunista mos involve iha prosesu rezista atu hetan pensaun ba Veteranus, ne’eduni ami halo revizaun dala rua ba lei no 03/2006 Veteranus nian.

Ba Josrnalista sira iha Eis Merkadu Lama, tersa (15/2) Deputadu husi Bancada UNDERTIM, Renan Selak hateten sira iha konsensia katak iha oportunista barak mak tama iha laran, tamba husi inisio halo sala rasik husi Maun Bo’ot Xanana Gusmão.

“Ami tomak iha konsensia katak, oportunista barak mak tama iha laran, tamba husi inisio halo sala rasik husi Maun Bo’ot Xanana ne’ebe momentu ne’e sei sai hanesan Presidente da Repúblika, tamba la involve ema estrutura sira”,dehan Renan.

Tan ne’e atu hadia fali, kada regiaun ami iha komisaun iventual ida para halo verivikasaun ba dadus veteranus nian.hateten Renan.

Renan hare katak husi dadus hirak ne’e sei iha ininventasaun barak, tamba oportunista barak tebes mak tama iha laran.

“Ami harí ona konselhu hodi aprova ona orsamentu, portantu dadus tomak ne’ebe mak validus ona sei remata hotu ba konselho mak sei hadia tuir estrutura uluk ninian par abele identifika ema oportunista ne’ebe maka envolve iha laran”.

Reprezetante Povu iha uma fukun ne’e realsa katak, kuandu liu husi estrutura mak kaer toman obrigasaun konselhu nia atu perdua deit ona, mas tuir lei sira sei lakon direitu, hanesan kombatente. Dehan eis Falintil ne’e.

Ne’e duni mak lei no 03/2006 ba veteranus nia ne’e halo revizaun dala rua ona para atu hare ema ne’ebe deit maka inventa dadus sei hetan sansaun atu ba hatan iha Tribunal, no mos sei lakon nia diretu no hikus komete ba kstigu. Portantu Renan reforsa katak sira sei lahalimar tamba prosesu ne’e sagradu.

Tan ne’e dadus hirak ne’e ami hatama ona iha fulan maio nia laran, liu husi prosesu konfirmasaun nebe mak ami hala’o iha sento Juvenil Taibesi.

Husi validasaun ne’e mak ami sei aprezenta kandidatura par abele simu pensaun liu husi proseu validasaun final Nasional.

Entertantu total rejistu ne’ebe mak hahu atu valida ne’e iha ona 12 mil rezisto. Maibe husi 12 mil ne’e seidauk to’o metade mak hetan ona pensaun.

Maibe husi validasaun ida ne’e, tuir Reprezetante UNDERTIM iha PN katak iha ona konkorda bele liu ona 10 mil mak simu ona pensaun.

Tan ne’e husi avaliasaun loron tolu hahu husi 15 to’o 17 febreiru ne’e, sei hare liu ba prosesu rezista husi 2002 mai to’o iha 2005, maibe husi 2005 ba leten sei koresponde ba Segundo registo.

Tamba tuir planu sei remata tiha validasaun ba primeiro, mak kontinua validasaun ba Segundo registo nebe ninia numeru sei atinji to’o 125 mil. Maibe sei lori tempo oituan.

Iha fatin hanesan Amaro Freitas ‘Lasikat’ eis adjunto iha Segundo unidade Brigada Vermelha II. Hateten hatu deklara katak ema nebe veteranus ou lae ita iha komando par abele identifika.

Tan ne’e kuandu nia inventa dadus entaun tenki responsabliza, ne’eduni maka ami agora hamutuk para atu identifika ema sira ne’e para atu korta sira nia naran.

Lasikat sublinha, katak sansaun atu fob a oportunista nebe maka aproveita oportunidade hirak ne’e la’os kompetensia ninian, maibe ema hotu iha lei nia okos.(tom)
.