Labarik Barak Sofre Mal Nutrisaun

.
Josefa Parada - Tersa, 22 Fevereiru 2011 - SUARA TIMOR LOROSAE

DILI – Pasiente nebe tama iha Hospital Nacional Guido Valadares (HNGV), durante semana hirak nee maioria labarik. Kauzalidade labarik sira nia moras, afetadu husi problema kiak no mal nuntrisaun.

“Labarik sira barak sofre respiratoriu (saluran pernapasan), tanba mal nutrisaun, adves labarik sira konsum hahan nebe la adekuadu, hahan menus nutrisaun fasil kona moras,” Direitora Jeral HNGV, Odete Viegas, kasu lia hirak ne’e ba STL foin lalais ne’e, iha nia servisu fatin HNGV Bidau Lecidere, Dili.

Pasiente nebe baixa iha HNGV inisiu barak hetan situasaun grave, maibe komesa rekoepra hikas depois hetan tratamentu husi mediku sira iha HNGV.

Direitora nee husu inan aman sira atu bele fo importansia ba aihan labarik sira nian, aihan ba labarik laos haree deit ba nia nutrisaun maibe kompostu ho hygiene. Labarik nebe konsume aihan hygiene susar tebes atu hetan moras.

Iha parte seluk Ministru Agrikultura no peskas, Mariano Assanami, dehan politika governu liu husi Ministeriu Agrikultura i Peskas nian komesa haree ona problema seguransa alimentar. Tan nee presiza halo kondenasaun entre ministeriu MTCI, MED, MS, ME, MSS no MAFP hodi haree asuntu nee.

MSS katak Sabino sei identifika area ne’ebe sofre hamlaha, kauza husi mudansa klimatika nebe lao daudauk iha rai laran. Ministeriu saude sei haree liu ba kestaun saude komunidade, Edukasaun hare problema merendar eskola, MTCI fornese aihan.

“ Produtu lokal hanesan batar no fos maibe ita han mak fos ne’eduni hau husu komsumidores sira iha timor laran bele han produtu lokal hanesan fehuk, kulu, aifarina, talas, ne’ebe ita nia bei ala sira han,” tenik Sabino.

Ministru Edukasaun (ME), Joaõ Cancio Freitas, informa mos katak ME seidauk distribui ai han ba Eskola Primaria Publiku iha kapital Dili, atividade merendar eskola iha Kapital Dili paradu tanba maioria labarik sira iha distritu menus ai han nune fasil atu hetan mal nutrisaun.

Direitor Eskola Primaria Publiku No. 2 Bidau, Amandio Soares, husu ME distribui ona ai han ba ba eskola hodi hahu hikas programa merenda eskolar, tanba labarik sira ho idade minoridade presiza nutrisaun.

Prezidenti Komisaun F, Asuntu Edukasaun Saude, no Cultura, Parlamentu nacional (PN), Virgilio Marcal, informa katak, ME presiza hamoris hikas programa merenda eskolar, para bele asegura nutirsaun labarik sira nian. Maioria labarik sira iha Dili dader san matabisu, maibe presiza reforsa ho merendar eskola. Fal
.