.
Josefa Parada - Sesta, 25 Fevereiru 2011 - SUARA TIMOR LOROSAE
DILI- Konsumidores iha kapital Dili, oras ne’e sente laran susar tebes ho folin nesesidade baziku loron-loron nian. Ho kondisaun ne’ebe iha komunidade capital Dili preokupadu tebes ho folin sasan ne’ebe kontinua sa’e maka’as hodi sirkula iha loja sira.
Fos, mina, trigu, supermie sai hanesan nesesidade baziku ba ema atu bele moris, laos tanba la iha ona ai-han seluk, maibe ho mudansa klimatika ne’ebe akontese dadauk konsege hafraku liu tan produsaun lokal agrikultor Timor Leste. Ho ida ne’e, konserteza ai-han uniku ne’ebe povu bele asesu mak fos.
“Folin nesesidade agora iha loja barak la hanesan kompara ho loja seluk. Ezemplu mina bimoli talin iha loja fa’an U$1.50 no kompara loja kiik nia folin U$1.75. konserteza loja kiik manan liu fali,”hatete Albino do Rego ba STL iha Audian, Dili, Kinta (24/2).
Tuir nia katak, kona ba nesesidade baziku loron-loron nian iha capital loja barak mak nia folin sa’e maka’as maibe loja balun fa’an ho nia estandartu.
Albertina Piedade (konsumidor) afirma hikas katak iha loja balun bainhira sira sosa Bimoli 5 liter ho nia folin U$7.25, bimoli 2 liter U$3.50, bimoli 1 liter U$1.00 no 1/5 liter 75cent.
Laos ne’e deit maibe mos Supermi per dos hanesan mie sedap ho nia folin U$3.50, kada bungkus sira fa’an ho nia folin 25 cent, supermi biasa ho folin perbungkus 20cent maibe, inkui masin midar 1kg50 cent.
Zelia Boavida (konsumidor) husi Taibesi hatutan, bainhira nesesisade loron-loron ne’ebe fa’an iha loja sa’e maka’as ne’e bele fo impaktu ba povu kiik sira ne’ebe laiha kbiit atu hola. “Sasan folin sa’e diak ba ema ne’ebe servisu maibe kuitadu ba povu kiik sira ne’ebe araska la hetan osan,”dehan Zelia.
Nia dehan, folin sasan ne’ebe maka sa’e laos loja ida deit maibe kuaze loja hotu iha Dili laran. Tamba ne’e maske iha ona mudansa globalizasaun maibe atu regula sasan hirak ne’e importante hare mos ba povu kiik sira ne’ebe mukit atu hetan aihan.
Alda Maria (negosiante kiik) husi Becora ne’ebe hola sasan iha Loja esplika katak agora dadaun sasan ne’ebe maka tama iha nesesidade baziku komesa sa’e maka’as kompara ho tinan kotuk. Ho fenomena ne’e hotu halo sira lamenta tebes, tamba sirkulasaun folin ne’ebe iha bele difikulta mos povu kiik sira ne’ebe maka susar hetan osan. Vey
.
Josefa Parada - Sesta, 25 Fevereiru 2011 - SUARA TIMOR LOROSAE
DILI- Konsumidores iha kapital Dili, oras ne’e sente laran susar tebes ho folin nesesidade baziku loron-loron nian. Ho kondisaun ne’ebe iha komunidade capital Dili preokupadu tebes ho folin sasan ne’ebe kontinua sa’e maka’as hodi sirkula iha loja sira.
Fos, mina, trigu, supermie sai hanesan nesesidade baziku ba ema atu bele moris, laos tanba la iha ona ai-han seluk, maibe ho mudansa klimatika ne’ebe akontese dadauk konsege hafraku liu tan produsaun lokal agrikultor Timor Leste. Ho ida ne’e, konserteza ai-han uniku ne’ebe povu bele asesu mak fos.
“Folin nesesidade agora iha loja barak la hanesan kompara ho loja seluk. Ezemplu mina bimoli talin iha loja fa’an U$1.50 no kompara loja kiik nia folin U$1.75. konserteza loja kiik manan liu fali,”hatete Albino do Rego ba STL iha Audian, Dili, Kinta (24/2).
Tuir nia katak, kona ba nesesidade baziku loron-loron nian iha capital loja barak mak nia folin sa’e maka’as maibe loja balun fa’an ho nia estandartu.
Albertina Piedade (konsumidor) afirma hikas katak iha loja balun bainhira sira sosa Bimoli 5 liter ho nia folin U$7.25, bimoli 2 liter U$3.50, bimoli 1 liter U$1.00 no 1/5 liter 75cent.
Laos ne’e deit maibe mos Supermi per dos hanesan mie sedap ho nia folin U$3.50, kada bungkus sira fa’an ho nia folin 25 cent, supermi biasa ho folin perbungkus 20cent maibe, inkui masin midar 1kg50 cent.
Zelia Boavida (konsumidor) husi Taibesi hatutan, bainhira nesesisade loron-loron ne’ebe fa’an iha loja sa’e maka’as ne’e bele fo impaktu ba povu kiik sira ne’ebe laiha kbiit atu hola. “Sasan folin sa’e diak ba ema ne’ebe servisu maibe kuitadu ba povu kiik sira ne’ebe araska la hetan osan,”dehan Zelia.
Nia dehan, folin sasan ne’ebe maka sa’e laos loja ida deit maibe kuaze loja hotu iha Dili laran. Tamba ne’e maske iha ona mudansa globalizasaun maibe atu regula sasan hirak ne’e importante hare mos ba povu kiik sira ne’ebe mukit atu hetan aihan.
Alda Maria (negosiante kiik) husi Becora ne’ebe hola sasan iha Loja esplika katak agora dadaun sasan ne’ebe maka tama iha nesesidade baziku komesa sa’e maka’as kompara ho tinan kotuk. Ho fenomena ne’e hotu halo sira lamenta tebes, tamba sirkulasaun folin ne’ebe iha bele difikulta mos povu kiik sira ne’ebe maka susar hetan osan. Vey
.
0 comentários:
Enviar um comentário