Komunidade Susar Asesu Bee Mos

.
Josefa Parada - Segunda, 21 Fevereiru 2011 - SUARA TIMOR LOROSAE

DILI – Povu Aituir Laran Sub Distritu Vera Cruz , ladun hetan be’e mos ho diak tanba lor-loron be’e nebe sirkula ba sira, so sai loron balun deit.

Povu barak mak deskontente ba problema be’e mos, sira husu ona ba governu atu fornese be’e mos ba sira, maibe realidade to’o oras ne’e povu sei kontinua halerik ba be’e mos, nebe kontinua acesu iha komunidade nia let.

“ Ami povu Bairo Aituir Laran husu ba Diresaun aqua no Saneamentu atu hadia sistema irigasaun be’e mos mai ami ho diak, nune povu bele uza ba nesesidade lor-loron,” Lia hirak ne’e hato’o husi komunidade Eurico Gonsalves , ba STL iha Aituir Laran Dili, sigunda (14/02).

Eurico dehan, Komunidade nebe hela iha bairo ne’e terus duni ba be’e mos, tanba dala ruma be’e sai iha loron tolu ba kada semana maibe be’e sai iha tempu dader deit.

Tuir Eurico katak, Governu promote ona atu fornese be’e mos ba komunidade durante 24 oras, maibe realidade hatudu katak povu barak nebe hela iha Bairo ne’e se kontinua halerik ba be’e mos, tenki ba kuru iha ema seluk nia be’e posu.

Iha fatin hanesan Lucio, hateten katak problema be’e mos ne’e Sekretariu Estadu Agua no Saneamentu, Januario Pereira, nunka tau iha agenda hodi resolve lalais, tanba ne’e povu mak sai vitima hodi buka be’e.

Nia esplika katak, Governu avisa ona ba publiku katak, Estadu dadaun ne’e sidauk fornese diak be ba povu tomak liu-liu kapital Dili, tanba husi Direisaun SAS nian, sei halo estudu atu monta kanu ba area kapital Dili, maibe promesa hirak ne’e nunka sai realidade tanba povu sei nafatin terus ba be’e mos.

durante ne’e kanalizasaun be’e mos ladun acessu ba komunidade tanba failha husi kanu nebe mota sobu, povu koa kanu, nune afeita ba be’esai estraga iha fatin balun. Maibe razaun ne’e hanesan taka falta husi Governu sira atu taka sira nia sala,” Konfesa Lucio.

Iha Parte Seluk Xefi Suku Bairo-Pite, Joao Batista da Costa Belo, katak Governu sidauk responde be’e mos ba komunidade ho diak, tanba povu suku Bairo Pite, durante ne’e hato’o sira nia prolema liu husi suku ne’e oin sa atu resolve problema be’e mos.

Tuir nia katak durante ne’e povu , suku Bairo Pite, kompostu husi aldea Buka Fini, no Aldea Ruin naklekar, surik mas fatu meta, no mos aldea Kakaulidun se susar duni ba be’emos.

“ Hau husu ba estadu atu bele rejolve lalais be’e mos, ba komunidade liu-liu ba Aldea nebe ladun hetan be’e mos iha lor-loron, tanba atu hadia povu nia moris persiza apoiu governu atu hodi fornese be ba sira nune povu bele moris sustentavel, atu hadia sira nia moris,” Afirma Joao.

Nune mos Rita Soares aumenta tan katak kona ba bee mos, agora nee povu nafatin ba buka bee mos, tamba bee nebe fornese husi Goveernu seidauk sufsente ba povu iha Dili laran. Satan konaba kampu de servisu nee susar tebes, neduni dez impregu bara-barak agora halimar deit. Alm
.