Povu Oecusse Transporte Truck Ba Oecusse husi DiliJosefa Parada - Kinta, 24 Fevereiru 2011 - SUARA TIMOR LOROSAE
DILI-Estudantes Oecusse nebe hamahon-an iha Forum Solidaridade Estudantes Oec usse (FOSEO) ejiji ba governu atu subtitui lalais Roo Nakroma iha tempu badak nia laran.
Ejencia ne’e halao relasiona ho roo Nakroma nebe too’ oras ne’e paradu total, tanba la iha esforsu governu atu subtitui roo ne’e. Tan ne’e, iha Kuarta feira (23/2) horsehik, FOSEO lansa konferensia imprensa hodi hato’o sira nia ejijensia ba governu.
“Ami husu ba Ministeriu kompetente atu foti medidas ou desizaun lalais kona ba trasporte maritime ba povu Oecusse hodi halo movimentu viazem Dili-Oecusse no Oecusse-Dili, tanba to’o oras ne’e roo nakroma at,” hatete Domingos Ulan Taela, nudar Porta Voz FOSEO, kasu lia hirak ne’e liu husi konferensia imprensa nebe halao iha Centru Informasaun Dormitoriu Oecu sse, Kampung Merdeka, Comoro, Dili.
Ministeriu kompetenti tuir Domingos katak, tenki kria politika ida hodi resolve trasporte maritima nudar problema seriu no importante ba povu oecusse, nune povu oecusse uja halo viajem hodi halao negociu tuir nesesidade seluk nebe importante.
“Ami hare katak, problema roo Nakroma, paradu halo folin fos sae iha distritu Oecusse, povu kbit laek labele hola tanba rendimentu sira nian kik atu sosa fos 30kg ho folin U$ 36. Husu ba MTCI atu ofrese fos ba povu Oecuse iha tempu badak tanba dadaun ne’e povu sira susar ba ai han,” Domingos sujere.
Dehan Domingos katak, sei waihira Governu la responde ejijensias hirak ne’e estudantes nebe halibur an iha FOSEO, sei halo asaun hasoru governu liu-liu ba Ministeriu kompetenti.
Vicenti Ulan, no Domingos Mala Falo, nudar Estudantes universitariu iha Dili, senti triste ho kondisaun roo nebe pradu total difikulta sira atu hetan ai han husi familia sira husi Oecusse mai Dili, tamba trasporte nebe subtitui roo nakroma governu so troka deit ho kareta pasculante, maibe kareta truc sampah hirak ne’e la kondis atu tula ai han iha tempu udan hanesan ne’e.
“Ami husu Governu atu ajuda ai han ba estudante nebe agora hela iha Centru Infor masaun Dormitoriu Oecusse iha Comoro no estudantes Oecusse tomak nebe buka matenek iha Kapital Dili, tamba ho roo nebe mak paradu halo hahan menus tamba inan aman sira susar atu haruka aihan mai ami,” tenik estudante rua ne’e.
Deputadu Arao Noe, husi komisaun G, Asuntu infrastrutura, iha PN husu ba Ministeriu kompetenti atu atendi imidiatamente ba problema roo nebe to’o agora sidauk subtitui roo nakroma, tanba povu Oecusse to’o oras ne’e hein hela atu uja hanesan uniku transporte ba distritu ne’e.
Deputadu Manuel Tilman, Bankada ASDT, deklara katak, povu oe Cusse laos lixu tamba ne’e mak husu ba sekretariu regional autonomia Oecusse kruvidensia nia promesa kareta diak atu ba foti ema Oecusse enkuantu roo laiha. “Hau laos ema Oecusse maibe atu fo solidaridade ba povu Oecusse labele tau fali kareta lixu atu ba tula povu Oecusse”. Tilman sujere atu SERAO Teme diak liu muda tiha sekretariu estadu tau fali ema seluk nebe hadomi ema no hadomi povu Oecosse tamba Oecusse mos povu Timor, SERAO laiha programa atu kontinua oferese tranposte komunidade Oecuse. Fal
.
5 comentários:
Osan barabarak desvia fali ba sosa Prado no roo pasiar nian nusa mak atu atende populasaun nia nesidade susar lahalimar.
Alias sira atende duni maibe ho laran foer. Tanba nee mak sira oferese fali kareta tula foer nian hodi tula populasaun hanesan tuada balada sira.
Tinan-tinan ita rona iha parlamentu senhores ukun nain sira lori povu nia naran hodi hasai osan bara-barak maibe kuandu povu husu atu hatan sira nia nesidade kona ba transporte nian sira oferese fali mak kareta tula foer.
Osan ida be Gil Alves sosa roo pasiar ne naton atu hatan povu nia nesesidade ida nee.
Noko Ruby
Noko Ruby,
Nee propaganda murahan! Ro kuando aat - aat duni, no preciza tempo atu hadia no haruka spare parts mai. Ne laos hanesan kios be langsung lori ba Bengkel hadia....
Koalia ne masuk akal witoan ba. Se lae se mak atu suporta lerek?
Niki Rabu
Maluk Niki
Itaboot kala naran Niki ne'ebe tabele tun sae i kuandu tabele ulun tun. Tanba nee mak ita boot hare realidade ida nee husi perspektiva tabele nian i tanba nee mos mak realidade nebe hau temi nee la masuk ita boot nia akal, tanba itaboot nia akal terbalik, ulun tun kidun sae.
Ba itaboot nia informasaun katak buat ida hau dehan nee laos propaganda i itaboot rasik mos rekonese katak roo at duni. Anaun ser ema ida be hatun artigu kona ba roo Nakroman aat ne mak halu propaganda karik.
Gil Alves hola roo pasiar mos laos propaganda tanba nee mos realidade ida i ema hotu iha Timor hatene ou pelo menos le notisia kona ba Gil Alves sosa roo pasiar no sosa kareta prado hodi osan neebe laos aloka ba ida nee.
Buat hirak nee ou realidade sira nebe ema hotu hare nee so masuk maluk Niki nia akal kuandu itaboot para tabele tun sae.
Noko-Ruby
Perguntas:
Apakah roo nakroman a'at tamba Gil Alves hola prado no roo pasiar??????
Favor jawab dgn tepat. Labele hatudu fali kakutak mau iha ne'e. Selae moe bot.
A. Lambada
Los duni maun. Ema hakerek ne dun arbiru deit, sabraut deit. Gil Alves LA TOMA KONTA Ro Nakroma. Ministro Infraestrutura ho Director Porto de Dili mak trata Ro Nakroma. Neduni sira nia acusasaun nee SALAH ALAMAT, SALAH SASARAN. Agora mak ita hatene momos katak MILITANTE FRETILIN RADICAL sira nee MESAK LAIHA LIU CONCHECIMENTO KONA BA MINISTRO IDA-IDA NIA FUNSAUN. NEMAK SIRA KOALIA MANGAME DEIT, DUN ARBIRU DEIT. NEDUNI, SIRA TENKI BA ESCOLA TAN LAI, ATU HATENE, SELAI COITADO.
Enviar um comentário