Fretilin Akuza Emprezariu Sira Mak Halo Ponte Loes Halis

.

Written by Dionizio do RosarioFatima Soares - Thursday, 24 February 2011

CJITL Flash, “Ponte Loes iha Distritu Bobonaro, baliza ho Distritu Liquica halis tanba emprejario sira mak laiha responsabilidade”.

Liafuan ida ne'e mak hato'o husi Deputado Fretilin, Inacio Moreira iha Parlamentu Nasional – PN, Kuarta feira ne'e (23/2).

“Bainhira halo debate Orsamentu Jeral do Estado – OJE 2011, hau rasik mak foti Ponte Loes halis ne’e tamba kamineta sanulu ne’ebe lori sementi todan, sira la’o tuir-tuir malu tamba ne’e mak halis tiha”dehan Inasio Moreira.

Nia hatutan katak ita hotu-hotu hamutuk fo presaun ba governu ida ne’e para hare oinsa dalan ne’ebe mak at ne’e tenke hadia lalais, hakarak ka lakoi urjentimente tenke hadia duni ponte Loes ne’e, maibe to'o oras ne'e governu seidauk hadia ponte ne'e ho rajaun mudansa klimatika, mota tun.(Dionizio do Rosario F.Soares/CJITL)
.