TL Sei Ajuda Nasaun Ne’ebe Afeta Ba Mudansa Klimatika

.
Monday, January 17th, 2011 - TIMOR EXPOSE

Dili-Presidente Parlamentu Nasional Fernando Lasama De Araoju hatete membru parlametu nasional iha obrigasaun atu hato’o solidareidade ba povu no governu ne’ebe deit maka hetan dezastre husi mudansa klimatika.

Lasama hatutan”ita hotu hatene ita nia nasaun vizinhu tolu maka hetan dezastre ne’e kompostu husi Brazil, Australia no sri lanka hetan problema boot,ne’e duni ita nebe mak reprezenta povu TL hato ita nia solidariedade ba povu no governu nebe maka hetan problema boot husi mudansa klimatika”.

Lasama hato’o lia hirak ne’e iha segunda ne’e (17/01) iha PN molok atu loke diskusaun OJE 2011 iha espesialidade nian.

Presidente PN haktuir govenru sei konsidera atu fo tuir kbiit nebe maka ita iha atu lori ajuda no lori ita nia solidariedade ba povu husi nasaun tolu ne’e.

“Govenru hanoin ona atu fo ajuda ruma ba iha neba, representa povu TL nebe sempre preokupa ho vida ema seluk nian,givernu sei konsidera,maka hau hatete ba deputadu sira atu ita PN mos hato’o ita nia solidariedade,Australia ita fo tiha ona no hanoin mos atu fo tulun maske kiik”,afirma Lasama.

Saida maka ita akompanha iha Queesland (Australia) Brazil no Sri Lanka” be tama uma ka inudasaun afeta husi mudansa kilmatika ne’ebe estraga hotu ema nia sasan, ita husu ba Maromak atu bele tulun sira liu husi parte material ninian”,dehan Lasama.(Celes)
.