.
Josefa Parada - Kinta, 20 Janeiru 2011 - SUARA TIMOR LOROSAE
DILI—Reprezentante povu iha Uma Fukun Parlamentu Nasional (PN), kontinua tau preokupasaun maka’as ba kondisaun eletrisidade ne’ebe sei mate-lakan iha Dili laran.
Liu husi debate Orsamentu Jeral Estadu (OJE) tinan fiskal 2011 nian, Kuarta (19/1), membru PN husi Bankada Fretilin, Antonino Bianco, Antonio Cardoso ho membru PN husi bloku Aliansa Mayoritariu Parlamentar (AMP), Arão Noe de Jesus (CNRT) no Deputadu Adriano do Nascimentu (PD), husu ba governu atu bele tau konsiderasaun ba kondisaun eletrisidade ne’ebe sei kontinua mate-lakan.
Informasaun ne’ebe, Deputadu Antonino Bianco, simu husi populasaun sira katak, desde horseik dader eletrisidade iha bairo Fatuhada, Dili. Nune’e, difikulta povu sira atu akompania transmisaun dereita husi televizaun kona ba debate OJE 2011 nian. “Hau hatutan deit lamentasaun ne’ebe povu hato’o kona ba kondisaun eletrisidade mate iha Fatuhada. Atu simu ou lae, ita bo’ot governante sira nia kompetensia,” Bianco dehan.
Josefa Parada - Kinta, 20 Janeiru 2011 - SUARA TIMOR LOROSAE
DILI—Reprezentante povu iha Uma Fukun Parlamentu Nasional (PN), kontinua tau preokupasaun maka’as ba kondisaun eletrisidade ne’ebe sei mate-lakan iha Dili laran.
Liu husi debate Orsamentu Jeral Estadu (OJE) tinan fiskal 2011 nian, Kuarta (19/1), membru PN husi Bankada Fretilin, Antonino Bianco, Antonio Cardoso ho membru PN husi bloku Aliansa Mayoritariu Parlamentar (AMP), Arão Noe de Jesus (CNRT) no Deputadu Adriano do Nascimentu (PD), husu ba governu atu bele tau konsiderasaun ba kondisaun eletrisidade ne’ebe sei kontinua mate-lakan.
Informasaun ne’ebe, Deputadu Antonino Bianco, simu husi populasaun sira katak, desde horseik dader eletrisidade iha bairo Fatuhada, Dili. Nune’e, difikulta povu sira atu akompania transmisaun dereita husi televizaun kona ba debate OJE 2011 nian. “Hau hatutan deit lamentasaun ne’ebe povu hato’o kona ba kondisaun eletrisidade mate iha Fatuhada. Atu simu ou lae, ita bo’ot governante sira nia kompetensia,” Bianco dehan.
Deputadu Antonio Cardoso sublinha hikas fali katak, nia simu informasaun husi komunidade balun iha Ai-mutin, Comoro, dehan, eletrisidade mate-lakan hela deit.
Deputadu Arão Noe de Jesus afirma hikas katak, instituisaun estadu tenki garante eletrisidade lakan. Tanba ne’e, debate OJE tinan ne’e tenki tau prioridade mos ba kondisaun eletrisidade ne’ebe seidauk bele fo garantia naroman diak ba povu.
Deputadu Adriano do Nascimento sublinha hikas katak, kondisaun eletrisidade sai preokupasuan bo’ot tebes. Mas, atu klarifika deit ba povu katak, informasuan ne’ebe ema balun sirkula iha povu dehan, eletrisidade sei lakan permanenti iha teritoriu tomak iha Novembru 2011 ne’e la los.
Nascimento hateten, iha Novembru mai ne’e bele garante ona katak, povu balun sei hetan roman eletrisidade permanenti. sel
.
0 comentários:
Enviar um comentário