.
Josefa Parada - Kinta, 20 Janeiru 2011 - SUARA TIMOR LOROSAE
DILI – Primeiru Ministru (PM), Xanana Gusmão ho onestu hateten ‘tauk’ no rende ba proposta numeru 17 aprezenta husi bankada Fretilin iha debate Orsamentu Jeral Estadu (OJE) 2011.
“Kona-ba proposta 17 ne’e hau foti liman. Hau aseita redusaun tanba laos deit ba mos rezidensia, hau aseita redusaun,” PM Xanana hatete lia hirak nee iha debate sesaun plenaria, Kuarta (19/1).
Iha debate OJE horseik, bankada Fretilin avansa ho proposta lubuk ida, husi prosposta hirak nee hotu obriga PM Xanana ho deputadu AMP, rende ba proposta numeru 17 Fretilin nian nebe hakarak halo redus osan sosa kombustibel ba palasio governu no rezidensia PM Xanana. Nunee proposta 17 ne’e pasa ho votus 32 afavor, 17 kontra no 8 abstenisaun. Enkuantu proposta sira seluk hanesan proposta 14, 15 no 16 la passa tamba maioria membru Parlamentu Nasional la konkorda.
Proponente, Antonino Bianco, hafoin votasaun husu esplikasaun governu ba proposta 14 ho montante sa’e 500% husi tinan rua liu ba. Nune’e, iha proposta 15 hasae osan, maibe laiha justifikasaun, nunee mos, proposta 16 laos tempu ona atu aluga kareta tanba agora kareta barak ona.
Proponente seluk, Joaquim Soares, husu governu atu esklaraese ba povu konaba alokasaun orsamentu ne’e. Verba ne’ebé aloka laos fo marjen atu reduz pobreza. Maibe atu satifas grupu sidadaun balun nia moris deit. “Kuandu aloka osan atu kombate pobreza tenki hare lolos efikas no efisiensia ba orsamentu estadu,” hatete Joaquim.
Alokasaun orsamentu katak Joaquim la mai husi estimasaun no analiza nebe klean ba redusaun pobreza. “Hau hanoin buat ruma deit atu prinse nesesidade ruma aumenta osan atu alkansa ita nia hakarak,” tenik deputadu Fretilin nee.
PM Xanana Gusmão, iha biban nee hatete proposta 16 konaba aluga kareta ho montante U$ 12.000 bele la gasta hotu. Maibe presiza preve wainhira akontese buat ruma bele aluga kareta. “Aluga diak liu duke sosa kareta ho osan boot to’o 40.000 ba leten. Tinan ne’e mos redus valor kompra kareta tanba, folin kareta ne’e mos iha folin variavel,” hatete PM Xanana.
Governu katak PM Xanana la presiza sosa tan kareta. Tamba preve ona osan hodi aluga kareta ba loron rua-tolu ho presu nebe baratu, la gasta gasoliza no manutensaun. dz
.
Josefa Parada - Kinta, 20 Janeiru 2011 - SUARA TIMOR LOROSAE
DILI – Primeiru Ministru (PM), Xanana Gusmão ho onestu hateten ‘tauk’ no rende ba proposta numeru 17 aprezenta husi bankada Fretilin iha debate Orsamentu Jeral Estadu (OJE) 2011.
“Kona-ba proposta 17 ne’e hau foti liman. Hau aseita redusaun tanba laos deit ba mos rezidensia, hau aseita redusaun,” PM Xanana hatete lia hirak nee iha debate sesaun plenaria, Kuarta (19/1).
Iha debate OJE horseik, bankada Fretilin avansa ho proposta lubuk ida, husi prosposta hirak nee hotu obriga PM Xanana ho deputadu AMP, rende ba proposta numeru 17 Fretilin nian nebe hakarak halo redus osan sosa kombustibel ba palasio governu no rezidensia PM Xanana. Nunee proposta 17 ne’e pasa ho votus 32 afavor, 17 kontra no 8 abstenisaun. Enkuantu proposta sira seluk hanesan proposta 14, 15 no 16 la passa tamba maioria membru Parlamentu Nasional la konkorda.
Proponente, Antonino Bianco, hafoin votasaun husu esplikasaun governu ba proposta 14 ho montante sa’e 500% husi tinan rua liu ba. Nune’e, iha proposta 15 hasae osan, maibe laiha justifikasaun, nunee mos, proposta 16 laos tempu ona atu aluga kareta tanba agora kareta barak ona.
Proponente seluk, Joaquim Soares, husu governu atu esklaraese ba povu konaba alokasaun orsamentu ne’e. Verba ne’ebé aloka laos fo marjen atu reduz pobreza. Maibe atu satifas grupu sidadaun balun nia moris deit. “Kuandu aloka osan atu kombate pobreza tenki hare lolos efikas no efisiensia ba orsamentu estadu,” hatete Joaquim.
Alokasaun orsamentu katak Joaquim la mai husi estimasaun no analiza nebe klean ba redusaun pobreza. “Hau hanoin buat ruma deit atu prinse nesesidade ruma aumenta osan atu alkansa ita nia hakarak,” tenik deputadu Fretilin nee.
PM Xanana Gusmão, iha biban nee hatete proposta 16 konaba aluga kareta ho montante U$ 12.000 bele la gasta hotu. Maibe presiza preve wainhira akontese buat ruma bele aluga kareta. “Aluga diak liu duke sosa kareta ho osan boot to’o 40.000 ba leten. Tinan ne’e mos redus valor kompra kareta tanba, folin kareta ne’e mos iha folin variavel,” hatete PM Xanana.
Governu katak PM Xanana la presiza sosa tan kareta. Tamba preve ona osan hodi aluga kareta ba loron rua-tolu ho presu nebe baratu, la gasta gasoliza no manutensaun. dz
.
0 comentários:
Enviar um comentário