Ohin Debate OJE 2011“Komisaun C Sei Halo Alterasaun Ba Fundu Rua”

.

Francisco Miranda Branco

Jornal Nacional Diário - Kuarta, 12 Janeiro 2011

Dili-“Parlamentu Nasional (PN) ohin Kuarta-Feira (12/01) hahu debate Orsamentu Jeral do Estadu 2011 ho montante $985 milloens ne’ebe governu propoen, tantu liu husi debate OJE ne’e komisaun C PN sei halo alterasaun ba fundu dezenvolvimentu capital humanu no fundu Infraestrutura.

“Komisaun C halo proposta alterasaun ba OJE 2011 ne’e rekomenda ba governu atu aprova fundu de dezenvolvimentu capital humanu no infraestrutura ne’e antes parlamentu aprova governu tenki informa ba PN sobre osan hira mak gasta iha 31 de dezembru 2010 inklui fundu rua ne’e ninia rendimentu inklui despezas espesifikasaun projeitu ne’ebe fundu rua ne’e preve, infirma Prezidente komisaun C, Tersa (11/1) horseik iha PN.

Komisaun C mos halo alterasaun ba fundu rua ne’e, tanba iha deputadu informa katak kria fundu rua ne’e tenki kria lei especial ida mak kria, ne’e duni komisaun C iha proposta kuaze 14,”haklaken Tilman.

FRETILIN Halo Alterasaun

Entertantu deputadu bancada FRETILIN, Francisco Branco hateten katak, ba proposta OJE 2011 ne’e bancada FRETILIN sei halo alterasaun balun, tamba OJE importante ne’ebe difini prioridade dezenvolvimentu iha tinan ida husi politika Governu.

“Bancada FRETILIN sei partisipa ativu nafatin hodi fo kontribuisaun mai husi proposta lubuk ida, aktividade ne’e importante tebes tamba ne’e mak defini tinan ida nia laran prioridade dezenvolvimentu husi alokasaun osamentu ninian,”esplika Branco.lat
.