.
Timor Post - Segunda, 17 Janeiru 2011
Dili-“Bancada Opozisaun FRETILIN konsidera Fundu especial rua nebe governu AMP hato’o iha OJE hanesan fundu investimentu CNRT ba elisoens 2012, entertantu Xefe governu hateten ne’e planu estratejiku Dezenvolvimentu Nasional.
Xefe Bancada FRETILIN, Aniceto Guterres hateten, fundus infraestrutura ho rekursu humanu, ne’ebe mosu iha proposta orsamentu jeral estadu 2011, fundu refere hakiak ba partidu CNRT, hateten nia iha nia deklarasaun Politika.
“Fundu rua ne’e bele serve mos hanesan, hakiak fundu investimentu CNRT ba elisoens 2012,”deklarasaun Xefi bancada FRETILIN foin lalais ne’e iha PN.
Hetan tan, fundu rua ne’e preukupa duni bancada FRETILIN tanba sentraliza hotu hetan kontrolu husi Primeiru Ministru liu husi konselhu Administrativu fundu nia azensia dezenvolvimentu nasional.
“Ne’e hanesan esvazeamentu kompetensia no responsablidade Ministru no Sekretariu Estadu sira ba jestaun projeitu sira hodi sentraliza iha Gabinete Primeiru Ministru, nune’e Ministru no sekretariu Estadu sira sai fali hanesan diretur jerais ne’ebe hapenas halo funsaun ba jestaun korente,”dehan Aniceto.
Hatutan Kriasaun fundu rua ne’e PM Xanana bele sai fali komodante supremu ida hanesan uluk iha tempu funu, tamba nia dehan ne’e ladiak ba amduresimentu ba governasaun no jestaun desentralizada iha jestaun administrasaun publiku ninian.
Aniceto afirma, OJE 2011 iha aumenta boot iha gabinete PM no Prezidensia konselho Ministru, no sekretariu estadu ka ministeriu hirak ne’ebe dependenti ba gabinete PM nian.
“Sura hamutuk ho valor fundu espesiais dotasaun ne’ebe tama iha kontrolu direitu Primeiru Ministru nian besik 50%, hare ba capital dezenvolvimentu 92% osan ba dezenvolvimentu iha hotu kontrolu Primeiru Ministru nian,”dehan Aniceto.
ENTERTANTU PRIMEIRU MINISTRU, Xanana Gusmao hatete, fundu especial rua ne’e laos signifika, nia la respeitu nia Ministru sira, maibe nia dehan ne’e hanesan dalan ida atu aselera projeitu no fasil atu kontrolu.
“Laos dehan hau la konfia hau nia Ministru sira, maibe profesionalizmu no progresu ne’ebe mak iha,”haktuir Primeiru Ministru Xanana Gusmão hodi hatan ba prokupasaun deputadu sira iha debate orsamentu geral estadu ba loron tolu iha parlamentu sexta (14/1).
PM Xanana dehan, espesifikamente fundu infraestrutura no fundu capital dezenvolvimentu capital umanu kria ho hanoin ba planu longu prazu nebe mak trasa, tan ne’e husi planu hirak ne’e hotu hanesan planu estratejia dezenvolvimentu nesional presija aloka fundu ruma.
“Se temi desentralizasaun, ami dehan desentralizasaun tun tan ba karik,”esplika nia.
Nia dehan projeitu dezenvolvimentu desentralizasaun refere responde ba area rural husi sub distritu to’o suku sira iha teritoriu tomak.
Husi ne’e, PM Xanana informa iha parte ezekusaun no kontrola mak tenke lao diak atu fiskaliza prosesu hotu.(manuel da silva)
.
Timor Post - Segunda, 17 Janeiru 2011
Dili-“Bancada Opozisaun FRETILIN konsidera Fundu especial rua nebe governu AMP hato’o iha OJE hanesan fundu investimentu CNRT ba elisoens 2012, entertantu Xefe governu hateten ne’e planu estratejiku Dezenvolvimentu Nasional.
Xefe Bancada FRETILIN, Aniceto Guterres hateten, fundus infraestrutura ho rekursu humanu, ne’ebe mosu iha proposta orsamentu jeral estadu 2011, fundu refere hakiak ba partidu CNRT, hateten nia iha nia deklarasaun Politika.
“Fundu rua ne’e bele serve mos hanesan, hakiak fundu investimentu CNRT ba elisoens 2012,”deklarasaun Xefi bancada FRETILIN foin lalais ne’e iha PN.
Hetan tan, fundu rua ne’e preukupa duni bancada FRETILIN tanba sentraliza hotu hetan kontrolu husi Primeiru Ministru liu husi konselhu Administrativu fundu nia azensia dezenvolvimentu nasional.
“Ne’e hanesan esvazeamentu kompetensia no responsablidade Ministru no Sekretariu Estadu sira ba jestaun projeitu sira hodi sentraliza iha Gabinete Primeiru Ministru, nune’e Ministru no sekretariu Estadu sira sai fali hanesan diretur jerais ne’ebe hapenas halo funsaun ba jestaun korente,”dehan Aniceto.
Hatutan Kriasaun fundu rua ne’e PM Xanana bele sai fali komodante supremu ida hanesan uluk iha tempu funu, tamba nia dehan ne’e ladiak ba amduresimentu ba governasaun no jestaun desentralizada iha jestaun administrasaun publiku ninian.
Aniceto afirma, OJE 2011 iha aumenta boot iha gabinete PM no Prezidensia konselho Ministru, no sekretariu estadu ka ministeriu hirak ne’ebe dependenti ba gabinete PM nian.
“Sura hamutuk ho valor fundu espesiais dotasaun ne’ebe tama iha kontrolu direitu Primeiru Ministru nian besik 50%, hare ba capital dezenvolvimentu 92% osan ba dezenvolvimentu iha hotu kontrolu Primeiru Ministru nian,”dehan Aniceto.
ENTERTANTU PRIMEIRU MINISTRU, Xanana Gusmao hatete, fundu especial rua ne’e laos signifika, nia la respeitu nia Ministru sira, maibe nia dehan ne’e hanesan dalan ida atu aselera projeitu no fasil atu kontrolu.
“Laos dehan hau la konfia hau nia Ministru sira, maibe profesionalizmu no progresu ne’ebe mak iha,”haktuir Primeiru Ministru Xanana Gusmão hodi hatan ba prokupasaun deputadu sira iha debate orsamentu geral estadu ba loron tolu iha parlamentu sexta (14/1).
PM Xanana dehan, espesifikamente fundu infraestrutura no fundu capital dezenvolvimentu capital umanu kria ho hanoin ba planu longu prazu nebe mak trasa, tan ne’e husi planu hirak ne’e hotu hanesan planu estratejia dezenvolvimentu nesional presija aloka fundu ruma.
“Se temi desentralizasaun, ami dehan desentralizasaun tun tan ba karik,”esplika nia.
Nia dehan projeitu dezenvolvimentu desentralizasaun refere responde ba area rural husi sub distritu to’o suku sira iha teritoriu tomak.
Husi ne’e, PM Xanana informa iha parte ezekusaun no kontrola mak tenke lao diak atu fiskaliza prosesu hotu.(manuel da silva)
.
0 comentários:
Enviar um comentário