Akara : Gil Alves Hanoin Mak Nia An Deit

.

Mericio Akara

Written by Thomas sanches - CJITL - Tuesday, 11 January 2011

CJITL Flash, Relasiona ho deklarasaun Ministru Turismu Comersio e Industri, Gil Alves katak, fos folin ne’ebe sae to $20 ou $25 ne’e prosesu ida ne’ebe normal, tuir Direitor Luta Hamutuk, Mericio Akara katak, Gil Alves so hanoin nia an deit no nunka hanoin povu nia moris, dehan Akara iha nia servisu fatin, Segunnda, (10/01).

“Gil Alves lolos ne’e tenke halo refleksaun katak povu nia moris ne’e la hanesan ho nia (Gil Alves) tanba povu ne’e deste tempu rejistensia to agora sei susar no kiak nafatin lahanesan nia tempu Indonesia to agora riku nanis” dehan Akara.

Direitor NGO Luta Hamutuk ne’e mos hatutan, Ministru Gil Alves laiha ona kompetensia atu responde problema fos tanba ne’e hasai estementu arbiru deit lahare ba povu nia moris.

“Esteitmentu ida ne’e hatudu katak, Gil Alves obriga nia hanoin deit, lakohi rona povu, lakohi kompriende povu nia preokupasaun no lakohi atende didiak povu nia moris no tuir lolos ne’e hanesan ministru ida tenke hatene didika povu nia moris no povu nia kbit” hatutan Akara. (Thomas Sanches/CJITL)
.