Xefe do Suku: Fahe Traktor ba deit Partidu no Produsaun Hare Tinan 3 Ona Maibe Laiha Rejultadu

.
Notisias TVTL - TVTL, Kinta Kalan 30 Dezembru 2010

Tim Kobertura TVTL

Dili-Xefi do Suku Preokupa ho programa Ministeriu Agrikultura e Peskas, tamba tinan tolu ona seidauk bele garante produtu alimentar ne’ebe bele sufisiente iha rai laran.

Lamentasaun hirak ne’e haro’o husi Xefi do Suku liu husi enkontru anual ho Ministeriu Agrikultura no Peskas, kuarta-feira semana ne’e iha Centro Convisoens Dili, tuir autoridade kominariu ne’e katak; Governu liu husi Ministeriu Agrikultura no Peskas gasta osan barak sosa traktores ba agrikultores duranti tinan tolu nia laran maibe rejultadu seidauk garante ba Produsaun alimentar iha rai laran.

Komentariu Xefi do Suku, I

Traktor ne’e tenkiser ekilibru, ohin hau kestiaona, depois parte ida fila rai nia e ohin hau ezizi liu mak rejultadu, agora tinan tolu ona rejultadu ne’e laiha, Traktor mos hola barak ona, ne’ebe rejultadu ne’e ita atu minimiza importa fos husi nasaun liur mai iha ita Timor Leste ne’e agora atinji ona % (porsentu) hira, maijumenus ida ne’e mak ami presija hatene, tamba se traktor hola barak entaun fos husi liu mos ita tenki hapara ona, ida ne’e mak ohin hau kestia ona.

Komentariu Xefi Suku, II

Distribuisaun Traktores ne’e barak teb-tebes, barak teb-tebes, maibe na realidade implementasaun iha ne’eba, ita haree deit katak fahe traktor ne’e hare deit kor, kor ne’e ita hatete deita katak; ema partidu ida ne’ebe mak sira nia entaun sira fo mak ida ne’e, ida ne’e ba ami Xefi Suku senti la dun diak, tamba povu ne’e povu Timor, e labele hare ba ne’eba, atu koalia kona ba politik lolos iha tempo ne’ebe koalia politik mak ita foin ba koalia politik, agora iha ne’e tempo ida ne’ebe koalia kona ba dezenvolvimentu, ita tenkiser hakuak ema hotu.

Komentariu Xefi Suku, III

Hau hare traktor sira ne’ebe fahe ne’e agora paralizadu, sistema sira fahe ne’e mos la tuir dalan, tanba balu laiha natar mos ema fo traktor arbiru deit, ida ne’e hau haree traktor hirak ne’e atu ba halo saida los?, hau hanoin ne’e jestaun la dun diak maibe dala ruma sira sei hadia iha 2011 nia laran, ami nia esperansa para tenki hadia duni para sistema agrikultura ne’e tenki lao diak fali.

Tim Kobertura TVTL

Entertantu Sekretariu estadu Arborikultura Marcos da Cruz rekohinese katak, produsaun hare ba konsumi populasaun Timor tomak seidauk bele garante tamba impaktu husi mudansa klimatíka ne’ebe akontese iha rai laran no rezeita mos kona ba distribuisaun traktores ba deit Partido balun.

Komentariu SEA Markus da Cruz

Primeiru kona ba traktor ohin sira kesitiaona ba distribuisaun traktor kiik ne’e keta hare liu ba kor karik, ne’e mak ohin hau responde katak, lae!! nunka iha orientasaun ruma husi hau ou Ministru ba iha tekniku atu dehan katak traktor ne’e fahe tuir kor. Segundu, kuandu ita hare ba batar ne’e ita iha hela batar para bele konsumu, so ke fos maka ita sei menus 28 mil toneladas.

Tim Kobertura TVTL

Iha oportunidade ne’e Xefi do Suku husu ba Ministeriu Agrikultura kontinua fo atensaun ba irigasaun ne’ebe governu halo iha rai laran no traktores hodi nune’e bele fasilita agrikultores hodi hasae sira nia produsaun hare iha futuru.(Tim kobertura ba TVTL)
.