.
Josefa Parada - Tersa, 21 Dezembru 2010 - SUARA TIMOR LOROSAE
HATU’UDO-Atu tama ba Loron Natal no Tinan Foun populasaun Sub Distrito Hatu’udo, araska atu hetan fos. Kuaze iha area sub distritu nee, fos laiha. Responde kondisaun mukit nee, sira husu ba Ministru Turismo, Comercio e Industria (MTCI) Gil Alves da Costa atu distribui fos MTCI ba iha neba, para sira bele sosa.
Esperasaun nee hato’o husi Administrador Sub Distrito Hatu’udo, Cancio da Costa Xina ba STL foin lalais nee iha Hatu’ udo. “Tama loron especial nee, Natal no Ano Novo 2011, hau nia povu araska tebes atu hetan fos. Liliu ba sira ne’ebe kada loron moris ho aisuak no insada, sei labele pasa ba loron bo’ot rua ne’e ho kontenti tamba nesecidade baziku (liliu fos) iha kios no merkado menus tebes. Iha mos, ninia folin karun. Tan hau espera MTCI bele ajuda distribui fos mai ami nia area, atu nunee povu bele sosa netik,” hatete Cancio da Costa Xina.
Sobre presu sasan ne’ebe kontinua sa’e bebeik, Cancio sujere ba MTCI persiza kria lei ida para bele redus presu sasan iha mercado. See lae, spekulantes sira hasae folin sasan tuir deit sira nia hakarak, i ikus mai povu sira mak leba terus. “Tan nee, lori komunidade Hatu’udo nia lian hau husu ba MTCI atu ajuda distribui fos MTCI ba area Hatu’udo, para ajuda povu hodi hetan netik fos”.
Entertantu, komunidade Suku Foho Ailiku, Hatu’udo, Marito da Silva hatete, atu tama loron Natal no Ano Novu, sira persiza tebes fos maibe araska atu hetan. Dala ruma hetan maibe ninia folin karun. Tan nee persiza governu ajuda. Nia komenta katak, ba tinan ida nee, iklima udan kria dezastra barak teb-tebes. Sira hare iha natar no aihan iha to’os laran, maioria udan estraga. “Ho kondisaun nee ami sujere ba governu persiza loke pasar murah, para ajuda ami hodi sosa nesesidade baziku ruma, liliu fos,” nia espera.
Iha fatin la hanesan, Administrador Sub Distrito Ainaro, Vasco Gomes de Araujo rekonhese katak, bainhira tama tinan 2011, agrikultores sira sei leba terus tamba aihan menus. Sira nia aihan ne’ebe kuda iha tos no natar, hetan estragus hotu tamba impaktu husi udan boot. Ho problema hirak ne’e, povu sei ladun pasa ba loron natal no tinan foun mai nee. Neduni, “Ami husu ba governu liu husi MTCI atu kria mekanismu oinsa para bele atende kesusahan ne’ebe mak povu sira infrenta iha baze, para nune’e iha loron natal no tinan foun povu sira bele kontenti,” Vasco hateten. mj1
.
Josefa Parada - Tersa, 21 Dezembru 2010 - SUARA TIMOR LOROSAE
HATU’UDO-Atu tama ba Loron Natal no Tinan Foun populasaun Sub Distrito Hatu’udo, araska atu hetan fos. Kuaze iha area sub distritu nee, fos laiha. Responde kondisaun mukit nee, sira husu ba Ministru Turismo, Comercio e Industria (MTCI) Gil Alves da Costa atu distribui fos MTCI ba iha neba, para sira bele sosa.
Esperasaun nee hato’o husi Administrador Sub Distrito Hatu’udo, Cancio da Costa Xina ba STL foin lalais nee iha Hatu’ udo. “Tama loron especial nee, Natal no Ano Novo 2011, hau nia povu araska tebes atu hetan fos. Liliu ba sira ne’ebe kada loron moris ho aisuak no insada, sei labele pasa ba loron bo’ot rua ne’e ho kontenti tamba nesecidade baziku (liliu fos) iha kios no merkado menus tebes. Iha mos, ninia folin karun. Tan hau espera MTCI bele ajuda distribui fos mai ami nia area, atu nunee povu bele sosa netik,” hatete Cancio da Costa Xina.
Sobre presu sasan ne’ebe kontinua sa’e bebeik, Cancio sujere ba MTCI persiza kria lei ida para bele redus presu sasan iha mercado. See lae, spekulantes sira hasae folin sasan tuir deit sira nia hakarak, i ikus mai povu sira mak leba terus. “Tan nee, lori komunidade Hatu’udo nia lian hau husu ba MTCI atu ajuda distribui fos MTCI ba area Hatu’udo, para ajuda povu hodi hetan netik fos”.
Entertantu, komunidade Suku Foho Ailiku, Hatu’udo, Marito da Silva hatete, atu tama loron Natal no Ano Novu, sira persiza tebes fos maibe araska atu hetan. Dala ruma hetan maibe ninia folin karun. Tan nee persiza governu ajuda. Nia komenta katak, ba tinan ida nee, iklima udan kria dezastra barak teb-tebes. Sira hare iha natar no aihan iha to’os laran, maioria udan estraga. “Ho kondisaun nee ami sujere ba governu persiza loke pasar murah, para ajuda ami hodi sosa nesesidade baziku ruma, liliu fos,” nia espera.
Iha fatin la hanesan, Administrador Sub Distrito Ainaro, Vasco Gomes de Araujo rekonhese katak, bainhira tama tinan 2011, agrikultores sira sei leba terus tamba aihan menus. Sira nia aihan ne’ebe kuda iha tos no natar, hetan estragus hotu tamba impaktu husi udan boot. Ho problema hirak ne’e, povu sei ladun pasa ba loron natal no tinan foun mai nee. Neduni, “Ami husu ba governu liu husi MTCI atu kria mekanismu oinsa para bele atende kesusahan ne’ebe mak povu sira infrenta iha baze, para nune’e iha loron natal no tinan foun povu sira bele kontenti,” Vasco hateten. mj1
.
0 comentários:
Enviar um comentário