Sebastiao Fiar Katak Liu Husi Reflesaun, Korupsaun Bele Lakon Iha TL

.

Sebastiao Dias Ximenes, PDHJ/Foto CJITL

Written by Pedro Delfim - CJITL - Thursday, 09 December 2010

CJITL Flash,Tuir Provedor dos Direitus Humanus e Justica – PDHJ, Sebastiao Dias Ximenes hateten katak atu kombate korupsaun iha rai laran, ema hotu hotu tenke halo reflesaun ba idak-idak nia an.

“Atu kombate korupsaun iha ita nia rai laran tenke halo reflesaun ba idak-idak nia an atu bele kombate korupsaun iha ita nia rai se lae difisil atu kombate korupsaun” dehan Sebastiao hafoin partisipa iha seminar ne’ebe organiza husi comisaun Anti Corupsaun iha Mercadu Lama, Terca, (7/12).

Nia mos informa tan katak maske Timor Leste hari ona Komisaun Anti Korupsaun maibe ita hotu la kolabora hamutuk susar para atu kombate korupsaun tanba kombate korupsaun laos fasil.

Iha parte seluk hanesan reprezentante Sosiadade Sivil Oscar Lima hateten katak atu kombate korupsaun presiza tempu naruk atu bele halo esuda didiak atu nune bele kombate korupsaun tanba korupsaun difisil atu halakon.

“Ita atu kombate korupsaun presiza kolobora hamutuk husi isntituisaun governu,ONG,no sosiadade sivil atu nune bele kombate korupsaun se lae korupsaun kontinua bauras iha ita nia rai”dehan Oscar iha Mercadu Lama.(Pedro Delfim/CJITL)
.