.
Jornal Nacional Diário - Kuarta 01 Dezembru 2010
Dili-“Ho situasaun ida agora, se deit mak ukun rai ida ne’e, atu bispu sira mak ukun fila fali, ekonomia sei problema nafatin”.
Deklarasaun ne’e hato’o husi Vice Ministru Ekonomia no Dezenvolvimentu Cristiano da Costa ba Jornalista sira iha Hotel, Tersa-Feira (30/11), wainhira hatan pergunta konaba deklarasaun eis Bispo Diocese Dili Dom Carlos Filipe Ximenes Belo foin lalais, ne’ebé hateten Timor Leste hetan ona Indepedensia maibe ekonomikamente seidauk indepedensia.
Timor Leste (TL) hetan rekoñesimentu internasionalmente nu’udar nasaun soberanu iha mundu, maibe vice Ministru ne’e afirma, ekonomia no finansiamentu Timor Leste seidauk indepedensia tanba sei depedenti ba intervensaun no apoiu husi rai liur.
“Mesmu que ita hetan indepedente iha tinan 2002, ita nia ekonomia, finanseiramente ema kesi hela ita nia liman,”hateten Cristiano da Costa.
Tuir Cristiano da costa, Timor Leste kuandu atu iha indepedensia ba ekonomia ne’e presiza tempu naruk, bele hakneak husi loron to’o kalan mos sei la iha realidade.
“Indepedensia ekonomia ne’e la’os mosu mai husi lalehan, ita reja ba maromak mos sei la fo indepedensia ekonomia mai ita. Prosesu indepedensia ne’e naruk no todan, ne’e ita reza bele hakneak dader to’o kalan nia la mosu, maibe tenki ho servisu maka’as,”tenik kristiano da Costa.
Tuir Cristiano da Costa, atu hetan indepedensia ekonomika ne’e prosesu ida ne’ebe naruk teb-tebes no presiza luta fila-fali no servisu badinas liu tan.
“Hau koalia bebeik ona, maluk balun la hare situasaun, ita esporta dolar ba liur, tamba ne’e situasaun ida ne’ebe ita tenki buka rejolve tiha lai. Labele kontrola mais it abele minimize, tamba capital ou modal halai sai ba liur,”Vice Ministru ne’e informa, maibe la esplika detailhu se mak nia atu temi.
Vice Ministru ekonomia no dezenvolvimentu ne’e lamenta katak, TL importa sasan husi estranjeiru mak barak liu, entaun ninia impaktu mak agora TL mos tenki importa osan dolar ba liur para lori hatama sasan mai Timor.
“Ita uza dollar ne’e boot la halimar, dolar sai lais la halimar. Ita nia seitor privaduinternasional barak liu, projeito boboot sira ema internasional mak bele kaer, entaun osan sai hotu ba liur,”nia argumenta.
Tanba ne’e Cristiano da Costa hateten, tenki dezenvolve seitor privadu, seitor públiku, kooperativa par abele sai pillares ne’ebe forte para dudu TL nia ekonomia ne’e ba oin.
To’o nutisia ne’e fo sai, Jornal Nasional Diário seidauk hetan klarifikasaun husi parte igreja ne’ebé mensiona.azs
.
Jornal Nacional Diário - Kuarta 01 Dezembru 2010
Dili-“Ho situasaun ida agora, se deit mak ukun rai ida ne’e, atu bispu sira mak ukun fila fali, ekonomia sei problema nafatin”.
Deklarasaun ne’e hato’o husi Vice Ministru Ekonomia no Dezenvolvimentu Cristiano da Costa ba Jornalista sira iha Hotel, Tersa-Feira (30/11), wainhira hatan pergunta konaba deklarasaun eis Bispo Diocese Dili Dom Carlos Filipe Ximenes Belo foin lalais, ne’ebé hateten Timor Leste hetan ona Indepedensia maibe ekonomikamente seidauk indepedensia.
Timor Leste (TL) hetan rekoñesimentu internasionalmente nu’udar nasaun soberanu iha mundu, maibe vice Ministru ne’e afirma, ekonomia no finansiamentu Timor Leste seidauk indepedensia tanba sei depedenti ba intervensaun no apoiu husi rai liur.
“Mesmu que ita hetan indepedente iha tinan 2002, ita nia ekonomia, finanseiramente ema kesi hela ita nia liman,”hateten Cristiano da Costa.
Tuir Cristiano da costa, Timor Leste kuandu atu iha indepedensia ba ekonomia ne’e presiza tempu naruk, bele hakneak husi loron to’o kalan mos sei la iha realidade.
“Indepedensia ekonomia ne’e la’os mosu mai husi lalehan, ita reja ba maromak mos sei la fo indepedensia ekonomia mai ita. Prosesu indepedensia ne’e naruk no todan, ne’e ita reza bele hakneak dader to’o kalan nia la mosu, maibe tenki ho servisu maka’as,”tenik kristiano da Costa.
Tuir Cristiano da Costa, atu hetan indepedensia ekonomika ne’e prosesu ida ne’ebe naruk teb-tebes no presiza luta fila-fali no servisu badinas liu tan.
“Hau koalia bebeik ona, maluk balun la hare situasaun, ita esporta dolar ba liur, tamba ne’e situasaun ida ne’ebe ita tenki buka rejolve tiha lai. Labele kontrola mais it abele minimize, tamba capital ou modal halai sai ba liur,”Vice Ministru ne’e informa, maibe la esplika detailhu se mak nia atu temi.
Vice Ministru ekonomia no dezenvolvimentu ne’e lamenta katak, TL importa sasan husi estranjeiru mak barak liu, entaun ninia impaktu mak agora TL mos tenki importa osan dolar ba liur para lori hatama sasan mai Timor.
“Ita uza dollar ne’e boot la halimar, dolar sai lais la halimar. Ita nia seitor privaduinternasional barak liu, projeito boboot sira ema internasional mak bele kaer, entaun osan sai hotu ba liur,”nia argumenta.
Tanba ne’e Cristiano da Costa hateten, tenki dezenvolve seitor privadu, seitor públiku, kooperativa par abele sai pillares ne’ebe forte para dudu TL nia ekonomia ne’e ba oin.
To’o nutisia ne’e fo sai, Jornal Nasional Diário seidauk hetan klarifikasaun husi parte igreja ne’ebé mensiona.azs
.
0 comentários:
Enviar um comentário