.
Josefa Parada - Kuarta, 22 Dezembru 2010 - SUARA TIMOR LOROSAE
AINARO-Komunidade Aldeia Lailima no Aldea Mausuka, Suku Cassa, Sub Distrito Ainaro, sente la kontenti ho problema fahe tractor ba komunidade ne’ebe persiza. Sira diskonfia Agrikultura Distritu Ainaro halo diskriminasaun.
“Hau tristi teb-tebes ho alokasaun tractor (ki’ik no boot) iha distritu nee. Bele dehan ami sai vitima ba programa refere. Uluk, MAFP deklara katak, ba komunidade ne’ebe hakarak hetan hand tractor no tractor boot, sira tenke forma grupu depois halo proposta ba governu. Bazea ba ida nee, ami nia komunidade hatama ona proposta ba governu, maibe to’os agora ami la hetan.
Josefa Parada - Kuarta, 22 Dezembru 2010 - SUARA TIMOR LOROSAE
AINARO-Komunidade Aldeia Lailima no Aldea Mausuka, Suku Cassa, Sub Distrito Ainaro, sente la kontenti ho problema fahe tractor ba komunidade ne’ebe persiza. Sira diskonfia Agrikultura Distritu Ainaro halo diskriminasaun.
“Hau tristi teb-tebes ho alokasaun tractor (ki’ik no boot) iha distritu nee. Bele dehan ami sai vitima ba programa refere. Uluk, MAFP deklara katak, ba komunidade ne’ebe hakarak hetan hand tractor no tractor boot, sira tenke forma grupu depois halo proposta ba governu. Bazea ba ida nee, ami nia komunidade hatama ona proposta ba governu, maibe to’os agora ami la hetan.
Mais konfuzus, ema ne’ebe la hatama proposta, mak hetan fali tractor. Ho nee, ami diskonfia Ministeriu Agrikultura Distritais halo diskriminasaun ba ami,” hatete Xefi Aldeia Lailima, Albino de Araujo ba STL iha Cassa, Kuarta (8/12).
Nia hatete, foin lalais nee Ministeriu Agrikultura Aianro oferesa hand tractor ba agrikultor nain 4 iha Cassa. “Ida nee ami konsidera ilegal, tamba ami hatene grupo ida nee, sira la hatama proposta. Tansa mak sira hetan fali. Tan nee ami husu ba governu labele halo buat ida ke la justu no ha’re liu ba kor politiku. See lae, bele kria kondisaun odiu malu entre povu, tan deit nai ulun sira nia manobra politika,”hatete Albino.
Preokupasaun hanesan, hato’o mos husi agrikultor husi Aldeia Mausuka, Florindo de Araujo. Nia dehan, nai ulun sira iha Distrito Ainaro labele diskrimina povu. Halo buat ruma, labele ha’re liu ba kor politika ou ha’re liu ba interesaun partido.
Hahalok sira hanesan ne’e, halo ami atu sadere ba tan see. Dala ida nee, hahalok diskrimina povu hanesan, ami husu governu tenki kombate,” Florindo reforsa.
Hatan kritika hirak nee, Xefi Departementu Tekniku Agrikultura Distrito Ainaro Marcelino de Araujo hatete, preokupasaun ne’ebe mak xefi aldeia no komunidade sira hato’o ne’e lalos. Tamba durante ne’e sira fahe tractor tuir kriteria ne’ebe iha.
Laos ha’re ba kor oioin. “Durante ne’e ami fahe traktor 40 resin ona ba komunidade sira. Fasilidade hirak ne’e ami oferese ba sira, la ha’re ba kor politika. Maibe fahe tuir kriteria ne’be iha,” katak Marcelino de Araujo. mj1
.
Nia hatete, foin lalais nee Ministeriu Agrikultura Aianro oferesa hand tractor ba agrikultor nain 4 iha Cassa. “Ida nee ami konsidera ilegal, tamba ami hatene grupo ida nee, sira la hatama proposta. Tansa mak sira hetan fali. Tan nee ami husu ba governu labele halo buat ida ke la justu no ha’re liu ba kor politiku. See lae, bele kria kondisaun odiu malu entre povu, tan deit nai ulun sira nia manobra politika,”hatete Albino.
Preokupasaun hanesan, hato’o mos husi agrikultor husi Aldeia Mausuka, Florindo de Araujo. Nia dehan, nai ulun sira iha Distrito Ainaro labele diskrimina povu. Halo buat ruma, labele ha’re liu ba kor politika ou ha’re liu ba interesaun partido.
Hahalok sira hanesan ne’e, halo ami atu sadere ba tan see. Dala ida nee, hahalok diskrimina povu hanesan, ami husu governu tenki kombate,” Florindo reforsa.
Hatan kritika hirak nee, Xefi Departementu Tekniku Agrikultura Distrito Ainaro Marcelino de Araujo hatete, preokupasaun ne’ebe mak xefi aldeia no komunidade sira hato’o ne’e lalos. Tamba durante ne’e sira fahe tractor tuir kriteria ne’ebe iha.
Laos ha’re ba kor oioin. “Durante ne’e ami fahe traktor 40 resin ona ba komunidade sira. Fasilidade hirak ne’e ami oferese ba sira, la ha’re ba kor politika. Maibe fahe tuir kriteria ne’be iha,” katak Marcelino de Araujo. mj1
.
0 comentários:
Enviar um comentário