Josefa Parada - Kinta, 02 Dezembru 2010 - SUARA TIMOR LOROSAE
DILI- Orsamentu Jeral Estadu (OJE) 2011, ba Prokurado Jeral Republika (PJR) milaun U$5,427 prioridade hari delegasaun iha Distritu Ermera, Maliana no Viqueque ho ho total milaun U$1,4.
Prokuradora Jeral Republika Ana Pessoa Pinto kasu lia hirak ne’e ba jornalista hafoin aprezenta OJE 2011, ba komisaun B Parlamentu Nasional, kuarta (1/12). PJR Ana hatete Distritu tolu (3) ne’e sai Prioridade iha OJE 2011, tanba atu responde ba difikuldade povu sira nian iha area justisa. Tanba fatin hirak ne’e barak liu mosu problema, krimi seriu hanesan homesidiu, violasaun no baku malu.
“Ho razaun ne’e ne’e maka ita presija iha prezensa Autoridade judicial permanenti iha neba”, tenik nia.
Prokuradora ne’e salienta liu tan katak Preoridade ida seluk mos atu fo asesu ba ita nia komunidade ba justisa, liu-liu hakbesik servisu ba komunidade. Ana esplika tan katak Judisial iha Dili, labele reszolve hotu problema nebe akontese iha distritu. Tanba nee Ermera mos merese atu bele iha delegasun ida. Hanesan mos iha Maliana, atu bainhira mosu problema ruma bele halo investigasaun lalais.
Preoridade mos fo formasaun ba polisia no ofisial Justisa, hodi reforsa tan prokuradoria, hanesan estrutura nebe servisu hamutuk ho tribunal no defensoria atu fo administrasaun justisa ida nebe los.
PGR mos sei kontinua halo formasaun iha instituisaun laran, espesifiku ba prokurador sira atu bele fo hikas formasaun ba polisia iha servisu investigasaun kriminal. Orsamentu Aumenta oituan kompara ho tinan kotuk tanba tenki iha osan ba kapital dezenvolvimentu atu hari laos deit ofisiu maibe mos uma prokurador nomos uma ba eskrevaun.Terezinha da Costa
.
0 comentários:
Enviar um comentário