.
Josefa Parada - Kinta, 02 Dezembru 2010 - SUARA TIMOR LOROSAE
DILI- Ministeriu Infrastrutura (MI), iha tempu badak sei selu retensaun 10% ba emprezariu Projetu Pakote Referendum (PPR) iha 2009.
“Ami tarde duni halo pagamentu, tanba iha projetu balun nia kualidade tuir supervizaun Task Force presija kestiona. Mas, ami prontu atu selu iha tempu badak,” deklara Pedro Lay ba STL hafoin marka audensia ho komisaun G asuntu infrastrutura, Parlamentu Nasional.
Pedro hatutan, falhansu ne’e tanba mos tarde aprezentasaun rezultadu projetu husi AECCOP ba Governu. Total retensaun ne’e rasik hamutuk milaun U$ 5 husi projeitu total 802 milaun U$800 resin.
Milaun U$5 ba retensaun aprovadu iha OJE 2010, hafoin finalizasaun PPR iha final 2009. Retensaun ne’e rasik hanesan garantia ida husi emprezariu ba governu atu garantia kualidade projeitu tanba TL seidauk iha asuransi ba projeitu estadu.
Foin lalais reprezentante emprezariu husi distritu 13 ne’ebe envolve an iha AECCOP, halo keisa ba Komisaun A PN tanba seidauk simu retensaun husi governu ba projeitu ne’ebe finaliza tiha ona iha 2009.
“ Tuir los iha fulan 6 klaran 2010, ami tenke simu ona retensaun. Maibe hein to’o ohin loron retensaun la saideit,” deklara Reprezentante emprezariu Venilale Manuel de Castro Pereira foin lalais iha PN.
Emprezariu hirak ne’e konsidera situasaun sai pior tanba AECCOP hanesan sumbrinha ba prosesu ne’e tente fase liman iha prosesu ne’e. Maibe, bainhira sira ba konfirma iha governu iha Ministeriu Finansas, fo resposta katak pagamentu lao tiha ona iha konta bankaria AECCOP nian.
Tuir dadus ne’ebe sira aprezenta, Ministeriu Infrastrutura ho total roihun U$870.30, tuir Minisetriu Saude rihun 556,580.19, Ministeriu Edukasaun rihun U$190,142,63, Ministeriu Solidaridade Sosial rihun U$29.400 no Ministeriu Agrikultura ni Peskas milaun U$1,832.
Ba kestaun ne’e Vice Komisaun A Vital do Santos fo garantia ba emprezariu sira katak sei foti kestaun ne’e ba iha ministeriu kompitente durante aprezentasaun orsamentu ba 2011. Eurozia Almeida
.
Josefa Parada - Kinta, 02 Dezembru 2010 - SUARA TIMOR LOROSAE
DILI- Ministeriu Infrastrutura (MI), iha tempu badak sei selu retensaun 10% ba emprezariu Projetu Pakote Referendum (PPR) iha 2009.
“Ami tarde duni halo pagamentu, tanba iha projetu balun nia kualidade tuir supervizaun Task Force presija kestiona. Mas, ami prontu atu selu iha tempu badak,” deklara Pedro Lay ba STL hafoin marka audensia ho komisaun G asuntu infrastrutura, Parlamentu Nasional.
Pedro hatutan, falhansu ne’e tanba mos tarde aprezentasaun rezultadu projetu husi AECCOP ba Governu. Total retensaun ne’e rasik hamutuk milaun U$ 5 husi projeitu total 802 milaun U$800 resin.
Milaun U$5 ba retensaun aprovadu iha OJE 2010, hafoin finalizasaun PPR iha final 2009. Retensaun ne’e rasik hanesan garantia ida husi emprezariu ba governu atu garantia kualidade projeitu tanba TL seidauk iha asuransi ba projeitu estadu.
Foin lalais reprezentante emprezariu husi distritu 13 ne’ebe envolve an iha AECCOP, halo keisa ba Komisaun A PN tanba seidauk simu retensaun husi governu ba projeitu ne’ebe finaliza tiha ona iha 2009.
“ Tuir los iha fulan 6 klaran 2010, ami tenke simu ona retensaun. Maibe hein to’o ohin loron retensaun la saideit,” deklara Reprezentante emprezariu Venilale Manuel de Castro Pereira foin lalais iha PN.
Emprezariu hirak ne’e konsidera situasaun sai pior tanba AECCOP hanesan sumbrinha ba prosesu ne’e tente fase liman iha prosesu ne’e. Maibe, bainhira sira ba konfirma iha governu iha Ministeriu Finansas, fo resposta katak pagamentu lao tiha ona iha konta bankaria AECCOP nian.
Tuir dadus ne’ebe sira aprezenta, Ministeriu Infrastrutura ho total roihun U$870.30, tuir Minisetriu Saude rihun 556,580.19, Ministeriu Edukasaun rihun U$190,142,63, Ministeriu Solidaridade Sosial rihun U$29.400 no Ministeriu Agrikultura ni Peskas milaun U$1,832.
Ba kestaun ne’e Vice Komisaun A Vital do Santos fo garantia ba emprezariu sira katak sei foti kestaun ne’e ba iha ministeriu kompitente durante aprezentasaun orsamentu ba 2011. Eurozia Almeida
.
0 comentários:
Enviar um comentário