.
Segunda, 13 Dezembru 2010 - Josefa Parada - SUARA TIMOR LOROSAE
DILI-Ministru Ekonomia no Dezenvolvimentu (MED) Joao Goncalves kontinua halo sensasi hodi hiit eis Sekretariu Estadu Dezenvolvimentu Rural (SEDR), Papito Monteiro, sai assessor iha Institutu Apoiu Dezenvolvimentu Ekonomiku (IADE)-MED.
Eis SEDR Papito Monteiru iha tinan 2008 rezigna a’an husi ninia kargu hafoin hetan akuzasaun naok hand phone (HP) iha Bali-Indonesia. Iha altura ne’eba, Papito fo razaun katak ninia rezignasaun ne’e laos tanba akuzasaun naok HP, maibe atu kontinua ninia estudu iha Universidade ida iha Indonesia. Iha Fulan Novembru kotuk, MED Joao Goncalves, bolu fali Papito Monteiro atu sai Assesor Nasional ba Asuntu Ekonomia iha ninia Ministeriu.
Vice MED, Cristiano da Costa, informa, eis SEDR Papito Monteiro sai Assesor tanba hetan kontaktu husi Ministru Joao. Cristiano dehan, nia la iha koinesementu tanba kompetensia atu halo nomeasaun ba assessor ruma ne’e kompetensia MED Joao.
“Hau lahatene nomeia (Papito) horibainhira, hau simu deit kopia kontratu ho prosesu atu selu Senhor Papito hanesan mos Assesor sira seluk,” deklara nia ba jornalista sira iha ninia servisu fatin, Segunda, (13/12).
Eis SEDR no actual Assesor iha MED, Papito Monteiro, hatete katak, hafoin rezigna a’an iha fulan Dezembru 2008, nia iha hanoin duni atu kontinua ninia estudu, maibe tanba hetan akuzasaun barak husi politikus sira iha TL, nia kansela tiha no fila hikas mai TL iha fulan Janeiru 2009.
“Kargu (Assesor) ne’e laos hau rasik mak hato’o proposta ba ema ruma atu hetan, laos tanba servisu la iha be hau haraik a’an los ba ema atu hetan servisu ne’e, (maibe) Ministru (MED Joao) rasik mak husu hau, kuaze dala barak, ne’e mak hau simu,” katak eis SEDR ne’e.
Nia dehan, se ema balun preokupa ho servisu ne’ebe nia halo iha MED, bele husu ba MED Joao ne’ebe mak fiar nia. Nia dehan, nudar sidadaun ida, nia sempre prontu hodi fo ninia kontribusaun ba dezenvolvimentu rai ida ne’e. Eis SEDR ne’e hatutan, nia hahu servisu nudar Assesor ba Asuntu Ekonomia iha IADE iha fulan Novembru 2010.
“Se presiza duni hau nia prezensa atu ajuda netik buat ruma, hau prontu, hau laos rebeldes ne’ebe halo buat ruma iha timor no halao ba nasaun seluk, hau hakarak hatudu hau nia nasionalismu no patriotismu ba rai timor, laos tanba osan, se tanba osan, hau iha liur (iha ONG) ema selu hau $150-$200 kada loron,” tenik nia. Jorgino Santos
.
Segunda, 13 Dezembru 2010 - Josefa Parada - SUARA TIMOR LOROSAE
DILI-Ministru Ekonomia no Dezenvolvimentu (MED) Joao Goncalves kontinua halo sensasi hodi hiit eis Sekretariu Estadu Dezenvolvimentu Rural (SEDR), Papito Monteiro, sai assessor iha Institutu Apoiu Dezenvolvimentu Ekonomiku (IADE)-MED.
Eis SEDR Papito Monteiru iha tinan 2008 rezigna a’an husi ninia kargu hafoin hetan akuzasaun naok hand phone (HP) iha Bali-Indonesia. Iha altura ne’eba, Papito fo razaun katak ninia rezignasaun ne’e laos tanba akuzasaun naok HP, maibe atu kontinua ninia estudu iha Universidade ida iha Indonesia. Iha Fulan Novembru kotuk, MED Joao Goncalves, bolu fali Papito Monteiro atu sai Assesor Nasional ba Asuntu Ekonomia iha ninia Ministeriu.
Vice MED, Cristiano da Costa, informa, eis SEDR Papito Monteiro sai Assesor tanba hetan kontaktu husi Ministru Joao. Cristiano dehan, nia la iha koinesementu tanba kompetensia atu halo nomeasaun ba assessor ruma ne’e kompetensia MED Joao.
“Hau lahatene nomeia (Papito) horibainhira, hau simu deit kopia kontratu ho prosesu atu selu Senhor Papito hanesan mos Assesor sira seluk,” deklara nia ba jornalista sira iha ninia servisu fatin, Segunda, (13/12).
Eis SEDR no actual Assesor iha MED, Papito Monteiro, hatete katak, hafoin rezigna a’an iha fulan Dezembru 2008, nia iha hanoin duni atu kontinua ninia estudu, maibe tanba hetan akuzasaun barak husi politikus sira iha TL, nia kansela tiha no fila hikas mai TL iha fulan Janeiru 2009.
“Kargu (Assesor) ne’e laos hau rasik mak hato’o proposta ba ema ruma atu hetan, laos tanba servisu la iha be hau haraik a’an los ba ema atu hetan servisu ne’e, (maibe) Ministru (MED Joao) rasik mak husu hau, kuaze dala barak, ne’e mak hau simu,” katak eis SEDR ne’e.
Nia dehan, se ema balun preokupa ho servisu ne’ebe nia halo iha MED, bele husu ba MED Joao ne’ebe mak fiar nia. Nia dehan, nudar sidadaun ida, nia sempre prontu hodi fo ninia kontribusaun ba dezenvolvimentu rai ida ne’e. Eis SEDR ne’e hatutan, nia hahu servisu nudar Assesor ba Asuntu Ekonomia iha IADE iha fulan Novembru 2010.
“Se presiza duni hau nia prezensa atu ajuda netik buat ruma, hau prontu, hau laos rebeldes ne’ebe halo buat ruma iha timor no halao ba nasaun seluk, hau hakarak hatudu hau nia nasionalismu no patriotismu ba rai timor, laos tanba osan, se tanba osan, hau iha liur (iha ONG) ema selu hau $150-$200 kada loron,” tenik nia. Jorgino Santos
.
0 comentários:
Enviar um comentário