.
Written by Pedro Boavida - CJITL Reporter Baucau - Monday, 13 December 2010
CJITL Lospalos, Populasaun iha Sub Distritu Luro, Distritu Lautem ne’ebe mai husi suku Wairoke, Baricafa, Afabubu no Luro Atas preoukupa tebes ho folin fos subsidiu husi governu ne’ebe la tuir standar ne’ebe iha.
Martinho de Jesus, komunidade husi suku Baricafa katak folin fos ne’ebe ho marka MTCI dadaun ne’e sae maka’as wainhira kompara ho tinan kotuk.
“Ami hare folin fos oras ne’e sae beibeik deit la hanesan uluk uluk”, katak komunidade ne’e, iha Sub Distritu Luro, foin lalais ne’e.
“Ita senti ba sei diak uituan tanba kada saka ida ho folin $ 12.00 no balun $ 9.00 maibe agora laiha iha ne’e ami hola dala ruma to’o $17 to’o $18, no balun $ 20”.
Tanba ne’e husu ba governo atu bele hatun folin fos iha baze liu liu sira ne’ebe hela iha area remotas atu bele hola fos ne’ebe ho folin baratu.
Martinho mos katak falin fos no Estrada husi dirasaun Distritu Lautem ba Luro ne’ebe ho nia distansia 36 km ne’ebe oras ne’e halo komunidade ladun haksolok tanba klima tinan ne’e halo estraga estrada hodi afeita ba iha transporte tula sasan husi sidade ba fa'an iha Luro tanba kondisaun Estrada la diak.
”Hakarak informa ba ita bot sira katak ami nia estrada mos ladiak tanba udan tinan ida ne’e estraga Estrada ami nian ne’e husi kedas ita tama mai iha Lauten atu mai Luro”, nia tenik.
Gorong gorong be lalin hotu ponte deit mos tohar halo ami ladun haksolok estrada hanesan ne’e mak halo ema mai fa'an sasan sira mai iha ne’e folin karun liu-liu”.
Iha biban ne’e mos, Albartinha da Costa mos katak senti la haksolok ho folin fos ne’ebe dadaun sirkula iha sira nia Sub Distritu Luro ne’e.
Ho ida ne’e, nia husu ba governu liu-liu Ministeriu Turismu Komersiu no Industria atu konsidera preoukupasaun povu nian ne’e.
Tuir observasaun Centru Jornalista Investigasaun Timor Leste (CJITL), Estrada dirasaun sub distritu Luro ba Distritu Lautem ho kondisaun ne’ebe ladiak no prejudika movimentu komunidade atu faan sira nia sasan tanba susar asesu transporte publiku. (Pedro Boavida/CJITL)
.
Written by Pedro Boavida - CJITL Reporter Baucau - Monday, 13 December 2010
CJITL Lospalos, Populasaun iha Sub Distritu Luro, Distritu Lautem ne’ebe mai husi suku Wairoke, Baricafa, Afabubu no Luro Atas preoukupa tebes ho folin fos subsidiu husi governu ne’ebe la tuir standar ne’ebe iha.
Martinho de Jesus, komunidade husi suku Baricafa katak folin fos ne’ebe ho marka MTCI dadaun ne’e sae maka’as wainhira kompara ho tinan kotuk.
“Ami hare folin fos oras ne’e sae beibeik deit la hanesan uluk uluk”, katak komunidade ne’e, iha Sub Distritu Luro, foin lalais ne’e.
“Ita senti ba sei diak uituan tanba kada saka ida ho folin $ 12.00 no balun $ 9.00 maibe agora laiha iha ne’e ami hola dala ruma to’o $17 to’o $18, no balun $ 20”.
Tanba ne’e husu ba governo atu bele hatun folin fos iha baze liu liu sira ne’ebe hela iha area remotas atu bele hola fos ne’ebe ho folin baratu.
Martinho mos katak falin fos no Estrada husi dirasaun Distritu Lautem ba Luro ne’ebe ho nia distansia 36 km ne’ebe oras ne’e halo komunidade ladun haksolok tanba klima tinan ne’e halo estraga estrada hodi afeita ba iha transporte tula sasan husi sidade ba fa'an iha Luro tanba kondisaun Estrada la diak.
”Hakarak informa ba ita bot sira katak ami nia estrada mos ladiak tanba udan tinan ida ne’e estraga Estrada ami nian ne’e husi kedas ita tama mai iha Lauten atu mai Luro”, nia tenik.
Gorong gorong be lalin hotu ponte deit mos tohar halo ami ladun haksolok estrada hanesan ne’e mak halo ema mai fa'an sasan sira mai iha ne’e folin karun liu-liu”.
Iha biban ne’e mos, Albartinha da Costa mos katak senti la haksolok ho folin fos ne’ebe dadaun sirkula iha sira nia Sub Distritu Luro ne’e.
Ho ida ne’e, nia husu ba governu liu-liu Ministeriu Turismu Komersiu no Industria atu konsidera preoukupasaun povu nian ne’e.
Tuir observasaun Centru Jornalista Investigasaun Timor Leste (CJITL), Estrada dirasaun sub distritu Luro ba Distritu Lautem ho kondisaun ne’ebe ladiak no prejudika movimentu komunidade atu faan sira nia sasan tanba susar asesu transporte publiku. (Pedro Boavida/CJITL)
.
0 comentários:
Enviar um comentário