.
Josefa Parada - Kuarta, 29 Dezembru 2010 - SUARA TIMOR LOROSAE
DILI- Komunidade kontinua nafatin halerik folin fos. Fos Globus ho AAA nia folin sae maka’as. Kada saka $20.00.
Josefa Parada - Kuarta, 29 Dezembru 2010 - SUARA TIMOR LOROSAE
DILI- Komunidade kontinua nafatin halerik folin fos. Fos Globus ho AAA nia folin sae maka’as. Kada saka $20.00.
Sira ladun iha kbit atu sosa tamba osan limitadu. Durante nee sira barak buka moris ho fila lima iha mercado maibe benefisiu uit oan. Produtu nebee sira fa’an, dala ruma loron ida ema la sosa. Lia hirak nee hatoo husi Jose da Cruz ba STL iha Audian, Dili, tersa (21/12).
Oras nee, fos marka AAA no Globus mak domina iha loza no estrada ninin. Ema fa’an ho folin karun. Fos marka AAA ho volume 25 kg, nia folin $18.00, entertantu fos Globus ho volume 35 kg, nia folin $20.00. Nia dehan, Atu tama ba loron bot Natal no tinan foun 2011, Governu liu husi MTCI, la iha atensaun seriu halo kontrolo hodi hatun folin fos.
Iha fatin hanesan Arlinda Cabral hateten “Ami povu kiik moris iha Dili laran sempre fila liman tun sae, maibee beneficiu hirak nee la sufciente atu sosa fos,”hateten Arlinda. Nune mos situasaun apertadu no sai at liu kuandu la iha osan maibe nesesidade obriga tenki hola fos, tanba la iha alternative seluk hodi buka fos nebe ho folin baratu.Nian Aaumenta tan katak sira ejiji ba MTCI, tenki tau matan ba povu kiik nia susar, tanba fos folin baratu laiha ona, neduni povu kik balu sosa kilo deit.
Nune mos Silvina da Costa hateten katak Fos MTCI nebe distribui ona iha postu de venda no ba Distritu, la sufciente atu responde nesesidade povu kik, tanba dala ruma fos hirak ne’e fa’an no hotu lalais iha tempu badak nia laran. “ Tuir hau niahare katak povu balun nebe osan la iha dala ruma hamlaha, tamba sira laiha kbit atu sosa fos nebee folin karun,”hateten Silvina.
Nia salenta liu tan katak ba MTCI, tenki atende mos Fos MTCI nebe bele responde nesesidade povu kbit laek nebe hela iha Dili laran. inklui ba iha distritu hotu. Nian husu ba Governu atu distribui fos MTCI, ho folin baratu nune povu hotu sosa ba moris lor-loron nian, tamba agora povu barak maka hamlaha. alm
.
6 comentários:
Povo hamlaha porque lakoi serviço atu kuda foz maka bele sustenta regime alimentar sira nia deik?
Governu dehan ekonomia atinji 'record' maibe povu halerik nafatin! Karik ossan hussi minarai nian hetan 'record' nusa mak la loke serbisu hodi fo ba ema sira ne'e? Ossan laos ba naok, selu familia ho amigu sira deit.
Ita Timor oan sira, sei kaer fali habitu a'at mai husi Indonesia oh Português nia tempo. Lakoi buka soluçao ida deit ba sira nian subervivencia atu iha autonomia mas, hein fali atu ema seluk atu lori ajuda e emfim soluçao mos lahetan!!!
Ita nia nai ulun sira dehan Tax Petroleum revenue liu fail sira nian expectative maibe ema barak buka serbisu lahetan tamba governu fo kontatu ba sira nia maluk ho familia sira deit!
Bainhira ita atu labele tabele ba ema seluk, ita nia ulun sira tenki loke serbisu, uza ossan iha ita nia rai laran. Hanessan daudaun, ministros sira lori ossan ba fassi bikan iha indonesia ita labele hadia ita nia povu. Nune’e povu sei depende nafatin ema seluk!
Se mak hakarak halo tos? Sedang governo fo apoio ba povo balun para ba buka serviço iha ema nia rai estrangeiro... Por exempol ba iha UK. Nee ema barak mak iha nee ba... Ami rona katak, ita nia tia lipa barak mos ba buka serviço iha ema nia rai, balun la hatene hakerek i nem hatene le mos ba iha ema nia rai, nee imagen ida hatudu ba ita hotun ita nia oin... Nusa governo la cria serviço barak iha Timor duque osan fahe ba familia mak han sem solução... Hodi osan ba manu futu, mal gasta sem categoria de experiência para halo projecto, so hatene gasta e estraga deit... Que tristeza!!!
Ba Povu Timor tomak,
AMP nia Planu estratejiku maka nee: Prepara aan halo didiak, enxe bolsu nakonu ho osan no aruma smala para ses aan iha 2012. Tamba falta deit tinan ida entaun diak liu aproveita halo didiak para maske wainhira lakon kadeira ka la ukun ona, maibe sei riku dodok kedas maka tun.
Husu deit ba Katalina Gonsalves tamba nia rasik maka kolia dehan nee nia laen Joao Gonsalves no governo AMP nia estrajia ba tinan 2011.
Enviar um comentário