.
Segunda, 13 Dezembru 2010 - Josefa Parada - SUARA TIMOR LOROSAE
DILI – Mehi povu rai nee nian atu kombate no prevene virus korupsaun nebe komesa buras iha rai doben Timor Leste, kal la kleur tan sei sai realidade, depois Komisariu KAK (Komisaun Anti Korupsaun), Aderito de Jesus, promote ona atu book ona kazu korupsaun balun iha 2011.
“Hau fiar katak iha tinan oin mai (2011) kazu barak mak ita sei bo’ok neduni ita lalika tauk,” Aderito kasu lia hirak nee ba STL hafoin partisipa iha estasaun solene komemerasaun loron Direitus Humanu iha Parlamentu Nasional (PN) Xesta (10/12).
Nia tenik katak iha fulan Fevereiru 2011 ba oin KAK komesa book ona kazu balun nebe tama ona iha KAK mas ida ne’e hanesan tentativa. “Hau hakarak husu maluk sira nia kompriendesaun se ita halo investigasaun la los mos imi akompanha kazu sira ne’e, neduni komisaun tenki servisu diak liu bainhira nia rekursu umanu no rekursu adekuadu hodi halao servisu hirak nee tuir mehi povu nian,”dehan Aderito.
KAK oras nee iha ona investigador sira ne’ebe treinado tamba foin fila husi Honkong hafoin tuir treinamentu hamutuk ho komisaun anti korupsaun iha Hongkong konesidu diak liu iha mundu. “Hau bele dehan ita nia investigadores sira preparadu tanba nain rua foin fulan ida treinamentu iha Hongkong, Singapuro no iha Malaysia neduni ita iha ema investigador, neduni fiar katak tinan oin mai kazu barak ita sei bo’ok,” tenik eis deputadu nee.
Aderito rejeita fo numero serteza kazu korupsaun nebe tama ona iha KAK, tamba iha komplikasaun kazu balun nebe presizamente KAK tenke halo kordenasaun ho Ministeriu Publiku (MP). “Hau la temi numero maibe iha loron (7/10) ne’e hau hatete katak agora ne’e iha komplikasaun kazu ne’e mos ami sei halo kordenasaun ho MP para bele hare’e kazu ne’e hamutuk, neduni komisaun labele servisu mesak, maibe komisaun tenki servisu hamutuk ho entidades sira, serteza katak kazu korupsaun barak liu mai husi membru governu, maibe atu hatene naran hirak ne’e depois, agora ami labele fo sai,” esplika Aderito.
Komisariu ne’e konsidera servisu investigasaun ba ba kaaau korupsaun laos servisu nebe fasil, hanesan ema koalia, maibe tenki prepara ekipa no mos sistema para labele hatene halo deit konferensia pers hanesan kolega balun halo, maibe fiar katak tinan oin kazu barak KAK sei bo’ok.
Nia husu tan tempu ba KAK hodi bele halao sira nia servisu ho professional. “Hau husu ba imi hotu tenki fo tempu para ami bele prepara aan hodi servisu ho provesional, neduni oras ne’e dadaun investigadors sira preparadu, imi hare’e KPK (Komisi Pemberantas Korupsi) Indonezia ne’e bele halo servisu hanesan ne’e tanba sira preparadu atu halo investgasaun, agora komisaun ne’e hau foin tau kadeira no meja imi fo ona material sira ne’e ba hau,” esplika Aderito.
Iha fatin hanesan Direitor Yayasan HAK Rui Viana, konsidera korupsaun laos hanesan kazu bain-bain, needuni presiza rekursu humanu ne’ebe naton inklui prokurador, juiz ne’ebe iha konesimentu no kapasidade naton hodi halo investigasaun ba kazu korupsaun.
Entertantu Deputadu Joaquim Amaral husi bankada Fretilin konsidera, sistema kombate korupsaun Timor Leste nian seidauk efetivu, atu kombate abut virus korupsaun nebe metin tebes iha governu.
Enkuantu Felismino Guterres (Estudantes) konsidera sistema Kombate korupsaun Timor Leste nian, sei instrumentu nebe forte hodi proteze koruptor sira husi prosesu justisa, tamba KAK hanesan instituisaun ida nebe iha papel especial kombate korupsaun laiha kbiit no forsa hodi lori koruptor sira ba tribunal.
Felismino tenik katak sistema bele diak, bainhira halao husi figura nebe laiha kredibilidade sei la hatudu rezultadu diak, nunee mos figura nebe kredibel, mas laiha konfiansa husi ema nebe governa rai nee sei hatudu deit rezultadu zero. “Tamba nee se Aderito figura kredibel, maka nia sei husu rejignasaun tamba faila kombate ou prevene korupsaun. Sera Aderito sei banati tuir Carrascalao, ou sai parasit, ita hein.” lia/din
.
Segunda, 13 Dezembru 2010 - Josefa Parada - SUARA TIMOR LOROSAE
DILI – Mehi povu rai nee nian atu kombate no prevene virus korupsaun nebe komesa buras iha rai doben Timor Leste, kal la kleur tan sei sai realidade, depois Komisariu KAK (Komisaun Anti Korupsaun), Aderito de Jesus, promote ona atu book ona kazu korupsaun balun iha 2011.
“Hau fiar katak iha tinan oin mai (2011) kazu barak mak ita sei bo’ok neduni ita lalika tauk,” Aderito kasu lia hirak nee ba STL hafoin partisipa iha estasaun solene komemerasaun loron Direitus Humanu iha Parlamentu Nasional (PN) Xesta (10/12).
Nia tenik katak iha fulan Fevereiru 2011 ba oin KAK komesa book ona kazu balun nebe tama ona iha KAK mas ida ne’e hanesan tentativa. “Hau hakarak husu maluk sira nia kompriendesaun se ita halo investigasaun la los mos imi akompanha kazu sira ne’e, neduni komisaun tenki servisu diak liu bainhira nia rekursu umanu no rekursu adekuadu hodi halao servisu hirak nee tuir mehi povu nian,”dehan Aderito.
KAK oras nee iha ona investigador sira ne’ebe treinado tamba foin fila husi Honkong hafoin tuir treinamentu hamutuk ho komisaun anti korupsaun iha Hongkong konesidu diak liu iha mundu. “Hau bele dehan ita nia investigadores sira preparadu tanba nain rua foin fulan ida treinamentu iha Hongkong, Singapuro no iha Malaysia neduni ita iha ema investigador, neduni fiar katak tinan oin mai kazu barak ita sei bo’ok,” tenik eis deputadu nee.
Aderito rejeita fo numero serteza kazu korupsaun nebe tama ona iha KAK, tamba iha komplikasaun kazu balun nebe presizamente KAK tenke halo kordenasaun ho Ministeriu Publiku (MP). “Hau la temi numero maibe iha loron (7/10) ne’e hau hatete katak agora ne’e iha komplikasaun kazu ne’e mos ami sei halo kordenasaun ho MP para bele hare’e kazu ne’e hamutuk, neduni komisaun labele servisu mesak, maibe komisaun tenki servisu hamutuk ho entidades sira, serteza katak kazu korupsaun barak liu mai husi membru governu, maibe atu hatene naran hirak ne’e depois, agora ami labele fo sai,” esplika Aderito.
Komisariu ne’e konsidera servisu investigasaun ba ba kaaau korupsaun laos servisu nebe fasil, hanesan ema koalia, maibe tenki prepara ekipa no mos sistema para labele hatene halo deit konferensia pers hanesan kolega balun halo, maibe fiar katak tinan oin kazu barak KAK sei bo’ok.
Nia husu tan tempu ba KAK hodi bele halao sira nia servisu ho professional. “Hau husu ba imi hotu tenki fo tempu para ami bele prepara aan hodi servisu ho provesional, neduni oras ne’e dadaun investigadors sira preparadu, imi hare’e KPK (Komisi Pemberantas Korupsi) Indonezia ne’e bele halo servisu hanesan ne’e tanba sira preparadu atu halo investgasaun, agora komisaun ne’e hau foin tau kadeira no meja imi fo ona material sira ne’e ba hau,” esplika Aderito.
Iha fatin hanesan Direitor Yayasan HAK Rui Viana, konsidera korupsaun laos hanesan kazu bain-bain, needuni presiza rekursu humanu ne’ebe naton inklui prokurador, juiz ne’ebe iha konesimentu no kapasidade naton hodi halo investigasaun ba kazu korupsaun.
Entertantu Deputadu Joaquim Amaral husi bankada Fretilin konsidera, sistema kombate korupsaun Timor Leste nian seidauk efetivu, atu kombate abut virus korupsaun nebe metin tebes iha governu.
Enkuantu Felismino Guterres (Estudantes) konsidera sistema Kombate korupsaun Timor Leste nian, sei instrumentu nebe forte hodi proteze koruptor sira husi prosesu justisa, tamba KAK hanesan instituisaun ida nebe iha papel especial kombate korupsaun laiha kbiit no forsa hodi lori koruptor sira ba tribunal.
Felismino tenik katak sistema bele diak, bainhira halao husi figura nebe laiha kredibilidade sei la hatudu rezultadu diak, nunee mos figura nebe kredibel, mas laiha konfiansa husi ema nebe governa rai nee sei hatudu deit rezultadu zero. “Tamba nee se Aderito figura kredibel, maka nia sei husu rejignasaun tamba faila kombate ou prevene korupsaun. Sera Aderito sei banati tuir Carrascalao, ou sai parasit, ita hein.” lia/din
.
0 comentários:
Enviar um comentário