.
Josefa Parada - Tersa, 14 Dezembru 2010 - SUARA TIMOR LOROSAE
DILI - Inundasaun nebe mosu iha Kapital Dili, nudar fenomena ida nebe presiza hetan atensaun seriu husi estadu hodi labele afeta ba komunidade. Inundasaun nee sei sai ameasa ba boot ba vida moris komunidade nian, bainhira governu taka matan ba fator nebe sai kauzalidade.
Kauza hamosu inundasaun iha capital Dili mai husi problema drainajen no menus manutensaun ba baleta. Iha area balun tamba deit laiha drainajen iha tempu udan, bee halai liu husi Estrada hodi badiu tama iha komunidade nia uma. Nune mos baleta sira iha capital Dili kuaze la bele funsiona ho diak tamba nakonu ona ho foer nebe soe arbiru husi komunidade. Foer iha hirak nee iha tempu udan bee lori ba balete no ikus mai taka metin baleta hodi rezulta udan been halai liu husi Estrada.
“Inundasaun mosu bebeik iha Dili laran, tamba Governu ladun tau matan ba saluran ou baleta, tamba nee baleta ou saluran nee nakonu ho foer balun rai taka metin,” Jose da Costa kasu lia hirak nee ba STL, Segunda (13/12).
Nia apela ba povu hotu katak wainhira hakarak hases-an husi inundasaun tenki kontrola no hamoli nafatin baleta no husu governu atu hadia baleta nebe kuaze la funsiona tamba foer nakonu. “Agora besik tama ona ba bailoron povu ida-ida tenki kontrola nia area, nune mos Governu tenki toma atensaun ba baleta sira nebe at, hodi nune bele hases aan husi inundasaun,” nia komenta.
Vice Ministra Saude, Madalena Hanjam hatete inundasaun perigozu tebes ba komunidade wainhira udan tun, perigu ba labarik sira kuandu udan tun labarik sira halimar udan been hodi fo impaktu ba sira nia saude hanesan moras Malaria, Diareia no seluk tan.
Iha biban ne’e, Saturnina Belo (komunidade), hatete povu kontinua sai vitima ba dezastre naturais, tamba Governu ladun fo atensaun ba saida mak sai kauzalidade ba inundasaun. “Nusa bee la belehali iha Estrada, se baleta sira nakonu ho foer. Lolos nee SAS laos dasa foer deit maibe hamos mos baleta, para bee bele halai tuir nia dalan.” vey
.
Josefa Parada - Tersa, 14 Dezembru 2010 - SUARA TIMOR LOROSAE
DILI - Inundasaun nebe mosu iha Kapital Dili, nudar fenomena ida nebe presiza hetan atensaun seriu husi estadu hodi labele afeta ba komunidade. Inundasaun nee sei sai ameasa ba boot ba vida moris komunidade nian, bainhira governu taka matan ba fator nebe sai kauzalidade.
Kauza hamosu inundasaun iha capital Dili mai husi problema drainajen no menus manutensaun ba baleta. Iha area balun tamba deit laiha drainajen iha tempu udan, bee halai liu husi Estrada hodi badiu tama iha komunidade nia uma. Nune mos baleta sira iha capital Dili kuaze la bele funsiona ho diak tamba nakonu ona ho foer nebe soe arbiru husi komunidade. Foer iha hirak nee iha tempu udan bee lori ba balete no ikus mai taka metin baleta hodi rezulta udan been halai liu husi Estrada.
“Inundasaun mosu bebeik iha Dili laran, tamba Governu ladun tau matan ba saluran ou baleta, tamba nee baleta ou saluran nee nakonu ho foer balun rai taka metin,” Jose da Costa kasu lia hirak nee ba STL, Segunda (13/12).
Nia apela ba povu hotu katak wainhira hakarak hases-an husi inundasaun tenki kontrola no hamoli nafatin baleta no husu governu atu hadia baleta nebe kuaze la funsiona tamba foer nakonu. “Agora besik tama ona ba bailoron povu ida-ida tenki kontrola nia area, nune mos Governu tenki toma atensaun ba baleta sira nebe at, hodi nune bele hases aan husi inundasaun,” nia komenta.
Vice Ministra Saude, Madalena Hanjam hatete inundasaun perigozu tebes ba komunidade wainhira udan tun, perigu ba labarik sira kuandu udan tun labarik sira halimar udan been hodi fo impaktu ba sira nia saude hanesan moras Malaria, Diareia no seluk tan.
Iha biban ne’e, Saturnina Belo (komunidade), hatete povu kontinua sai vitima ba dezastre naturais, tamba Governu ladun fo atensaun ba saida mak sai kauzalidade ba inundasaun. “Nusa bee la belehali iha Estrada, se baleta sira nakonu ho foer. Lolos nee SAS laos dasa foer deit maibe hamos mos baleta, para bee bele halai tuir nia dalan.” vey
.
0 comentários:
Enviar um comentário