.
Segunda, 13 Dezembru 2010 - Josefa Parada - SUARA TIMOR LOROSAE
AMBENO–Povu agrikultura iha sub-distritu Nitibe, distritu Oecusse labele kelola sira nia to’os, tamba ho mudansa klimatika nebe akontese iha tinan ida ne’e, la fo oportundidade ba sira.
Lia hirak nee hato’o husi xefe suco Bene Ufe, Simao de Carvalho ba STL iha Oecusse foin dadauk nee. Nia hateten kondisaun vida povu iha tinan 2010-2011 sei infrenta hamlaha tamba impaktu husi mudansa klimatika ho udan nebe lapara, sira la konsege prepara didiak sira nia to’os hodi hamos atu kuda aihan.
“Hau hare kondisaun povu suco Bene Ufe, nebe maioria moris husi to’os iha area foho tinan ida nee sei infrenta hamlaha tamba sira la konsege hamos didiak sira nia to’os, udan obriga tun sedu entaun fini nebe sira prepara atu kuda sei la realiza, dala ruma balu atu realiza tenki halo deit terasering ka fila rai maibe ida nee sei la naton ba sira nia moris,”nia hateten.
Iha parte seluk Administrador Sub-Distritu Pasabe, Antao Ulan informa katak, medida husi impaktu mudansa klimatika, governu tenki haruka fos subsidiu ho marka MTCI lalais ba foho hodi responde preokupasaun povu iha area rural, tamba maioria povu barak la konsege prepara sira nia to’os ho diak.
“Hau nia povu iha sub-distritu Pasabe tinan ida nee, la konsege hamos hotu sira nia to’os udan boot mai ataka sira ona, nebe sei infrenta povu nia moris tamba fini hare ho batar nebe povu prepara atu kuda la biban ona entaun afeita ba sira nia moris,” komenta nia.
Nune’e mos xefe suco Taiboco, Mateus Na’as informa katak, nia povu tinan nee sei infrenta hamlaha tamba povu iha area foho, sira nia to’os seidauk preparadu ho diak udan boot mai ona no konsege afeita ba sira nia to’os seidauk hamos ho diak, nee duni husu ba governu atu kontinua kria projeitu cash for work no kontinua fa’an fos batar ho folin baratu uitoan para povu bele sosa atu sustenta sira nia moris loron-loron. Jose Koa
.
Segunda, 13 Dezembru 2010 - Josefa Parada - SUARA TIMOR LOROSAE
AMBENO–Povu agrikultura iha sub-distritu Nitibe, distritu Oecusse labele kelola sira nia to’os, tamba ho mudansa klimatika nebe akontese iha tinan ida ne’e, la fo oportundidade ba sira.
Lia hirak nee hato’o husi xefe suco Bene Ufe, Simao de Carvalho ba STL iha Oecusse foin dadauk nee. Nia hateten kondisaun vida povu iha tinan 2010-2011 sei infrenta hamlaha tamba impaktu husi mudansa klimatika ho udan nebe lapara, sira la konsege prepara didiak sira nia to’os hodi hamos atu kuda aihan.
“Hau hare kondisaun povu suco Bene Ufe, nebe maioria moris husi to’os iha area foho tinan ida nee sei infrenta hamlaha tamba sira la konsege hamos didiak sira nia to’os, udan obriga tun sedu entaun fini nebe sira prepara atu kuda sei la realiza, dala ruma balu atu realiza tenki halo deit terasering ka fila rai maibe ida nee sei la naton ba sira nia moris,”nia hateten.
Iha parte seluk Administrador Sub-Distritu Pasabe, Antao Ulan informa katak, medida husi impaktu mudansa klimatika, governu tenki haruka fos subsidiu ho marka MTCI lalais ba foho hodi responde preokupasaun povu iha area rural, tamba maioria povu barak la konsege prepara sira nia to’os ho diak.
“Hau nia povu iha sub-distritu Pasabe tinan ida nee, la konsege hamos hotu sira nia to’os udan boot mai ataka sira ona, nebe sei infrenta povu nia moris tamba fini hare ho batar nebe povu prepara atu kuda la biban ona entaun afeita ba sira nia moris,” komenta nia.
Nune’e mos xefe suco Taiboco, Mateus Na’as informa katak, nia povu tinan nee sei infrenta hamlaha tamba povu iha area foho, sira nia to’os seidauk preparadu ho diak udan boot mai ona no konsege afeita ba sira nia to’os seidauk hamos ho diak, nee duni husu ba governu atu kontinua kria projeitu cash for work no kontinua fa’an fos batar ho folin baratu uitoan para povu bele sosa atu sustenta sira nia moris loron-loron. Jose Koa
.
0 comentários:
Enviar um comentário