.
Written by Thomas Sanches - CJITL - Friday, 10 December 2010
CJITL Flash, Relasiona ho problema prostitusaun ne’ebe mak barak iha Timor Leste tanba feto barak mai husi nasaun seluk mai halo fali prostitusaun iha ne’e, Prezidente Republika, Jose Ramos Horta husu polisia tenke kaer ema sira ne’ebe halo aktividade Prostitusaun no haruka fila ba ninia nasaun ho rajaun katak, hafoer imagem Timor Leste.
“Hau apelu ba PNTL atu taka tiha fatin prostitusaun no duni sira sai husi rai ida ne’e liliu sira ne’ebe mai husi nasaun seluk kaer sira no lori sira ba Aeroportu no haruka sira fila ba sira nia nasaun tanba sira mai iha ne’e halo foer imagem nasaun TL nian” dehan Ramos Horta, iha Uma fukun Parlamentu Nasional, Sesta, 10 de dezembru.
Eis Ministru Negosio Estranjeiru ne’e mos hatutan, estadu Timor Leste sei fo ajuda fo osan oituan ba sira hodi aguenta to’o sira nia rai rasik.
“Estadu Timor Leste sei tulun sira hanesan fo osan oituan atu nune’e sira bele aguenta to’o sira nia rai, husu ba PNTL liliu Polisia Imigrasaun atu halo investigasaun para kaer ema sira ne’ebe bosok ona feto sira ne’e hodi mai iha TL” dehan Horta.
Iha fatin hanesan deputadu Natalino do Santos hosi partidu CNRT katak, nia parte fo apoiu tomak ba Prezidente da Republika nia hanoin ne’e, ne’ebe hakarak kaer ema sira ne’ebe mak halao servisu hanesan prostituisaun.
“Dala barak ami hakilar iha plenaria maibe hosi Ministerio Kompotente la dun serius ho buat sira ne’e hotu tanba ne’e mak agora akontese dadauk iha ita nia rai ne’ebe mak fo imagen ladiak ba rai seluk”. Dehan Natalino.
Natalino mos husu ba PNTL atu kaer ema sira ne’ebe lohi feto oan sira atu mai servisu iha TL maibe to’o iha ne’e servisu fali hanesan prostitusaun. (Thomas Sanches/CJITL)
.
Written by Thomas Sanches - CJITL - Friday, 10 December 2010
CJITL Flash, Relasiona ho problema prostitusaun ne’ebe mak barak iha Timor Leste tanba feto barak mai husi nasaun seluk mai halo fali prostitusaun iha ne’e, Prezidente Republika, Jose Ramos Horta husu polisia tenke kaer ema sira ne’ebe halo aktividade Prostitusaun no haruka fila ba ninia nasaun ho rajaun katak, hafoer imagem Timor Leste.
“Hau apelu ba PNTL atu taka tiha fatin prostitusaun no duni sira sai husi rai ida ne’e liliu sira ne’ebe mai husi nasaun seluk kaer sira no lori sira ba Aeroportu no haruka sira fila ba sira nia nasaun tanba sira mai iha ne’e halo foer imagem nasaun TL nian” dehan Ramos Horta, iha Uma fukun Parlamentu Nasional, Sesta, 10 de dezembru.
Eis Ministru Negosio Estranjeiru ne’e mos hatutan, estadu Timor Leste sei fo ajuda fo osan oituan ba sira hodi aguenta to’o sira nia rai rasik.
“Estadu Timor Leste sei tulun sira hanesan fo osan oituan atu nune’e sira bele aguenta to’o sira nia rai, husu ba PNTL liliu Polisia Imigrasaun atu halo investigasaun para kaer ema sira ne’ebe bosok ona feto sira ne’e hodi mai iha TL” dehan Horta.
Iha fatin hanesan deputadu Natalino do Santos hosi partidu CNRT katak, nia parte fo apoiu tomak ba Prezidente da Republika nia hanoin ne’e, ne’ebe hakarak kaer ema sira ne’ebe mak halao servisu hanesan prostituisaun.
“Dala barak ami hakilar iha plenaria maibe hosi Ministerio Kompotente la dun serius ho buat sira ne’e hotu tanba ne’e mak agora akontese dadauk iha ita nia rai ne’ebe mak fo imagen ladiak ba rai seluk”. Dehan Natalino.
Natalino mos husu ba PNTL atu kaer ema sira ne’ebe lohi feto oan sira atu mai servisu iha TL maibe to’o iha ne’e servisu fali hanesan prostitusaun. (Thomas Sanches/CJITL)
.
5 comentários:
Sira atu sai halo Nusa be MAUN ALIN BALUN HUSI PNTL MAK backing hla sira...... hasai husi aitarak laran , ba fali ai reti laran deit..........
Maun bo'ot hau hanoin buat ida be protituisaun ne'e iha nasaun nebe d8 sempre iha buat ne'e atu bele minimiza konflito "SEXUAL" liliu ba labarik sira.
Agora duni sai ne'e diak, maibe solusaun saida, ita labele prokupa liu ema estranjeiros. karik ita nia emar timor oan rasik halo nusa..???
Ita mos tenke halo mos investigasaun ruma ba Polisia Imigrasaun tamba sira duni mak beck-up hela ema hirak ne'e. perguntas tamba saida mak ema/protituisaun hirak ne'e bele lao iha railaran..??
Keta halo Xanana mos back up prostuisaun tan,,, xanana ita hotu hatene ona bulak fetooooo
Presidente Ramos Horta laiha moral no integridade hanesan mos Xanana Gusmao kuandu koalia ba Povo Maubere kona ba kazu prostituisaun. Sira nia hahalok ba feto timor oan sira no tratamentu ba malae sira husi rai liur hatudu momos ba ita hotu... katak sira nain rua laiha moral no integridade atu koalia kona ba prostituisaun. Sira rasik sujere ba povo maubere ho hahalok la tau an hanesan Chefe de Estado no Primeiro Ministro ba rai nee halo povo ho rai nee lakon kredibilidade no tama iha krize identidade. Horta ho Xanana gosta halimar ho feto rai liur, hahalok nee hatudu wainhira artistas Indonesia nebe mak sira konvida mai Timor Leste, at liu tan Horta ho Xanana rasik sae dansa ho sira iha palku leten no dalaruma ba hasoru no lori sira too airoporto. Povo Maubere hili sala duni Presidente ba Republica Democratika Timor-Leste. Toó ohin loron timor leste sedauk iha Chefe Estado, Kepala Negara, iha deit mak Ramos Horta, Presidente nebe laiha integridade no kredibilidade. Rai doben neé sorte mak laiha karik, nia Presidente dala uluk (Xanana Gusmao), tanis ten no karik tanis buka votus deit, nebe iha nia tempo Xanana, sai mos hanesan Presidente ba oposisaun hasoru governu FRETILIN, at liu tan Xanana fomenta issu loro sae no loromonu e aproveita jovens sira iha F-FDTL no PNTL aumenta klean krize 2006 nebe nia resultadu fasilita duni Xanana tun husi Presidente ba Primeiro Ministro knar nebe nia ohin loron kaer. Ramos hatudu ona ba ita katak nia Presidente ba ema rai liur nian duke ba maubere oan sira. Nia mos hakarak timor leste sai fatin nebe prosessa refusiadu sira nebe hakarak ba Australia. Maubere oan sira sai deit hanesan nia sasan no atan nebe tengke tuir saida mak Horta ho Xanana hakarak. Horta ho Xanana kuaze atu hanesan deit, ezemplo seluk hatudu ba ita katak iha timor lei ho ordem mak Ramos Horta ho Xanana Gusmao. Iha sira nain rua nia ulun, karik hakerek tiha ona katak lei nee aplika tuir Horta ho Xanana sira nia hakarak ho lia fuan seluk hateten katak regulamentu nebe karik hakerek tiha ona iha sira nian ulun hanesan tuir mai; regulamentu numeru ida (1) ema bot sira nunka sala; regulamentu numeru (2) hateten katak se ema bot sira sala karik, se aplika fali regulamentu numeru ida (1, ema bot nunka sala); regulamentu numeru tolu (3) iha sira nia ulun hateten katak se ema kiik ruma sala atu tama kadeia karik, so sira nain rua deit mak bele hasai fali sira husi kadeia; regulamentu hat (4) iha Horta ho Xanana sira nia ulun hateten katak regulamentu 1,2 too 3 labele halo revisaun..faktus hatudu ona ho libertasaun la tuir lei ba Maternus Bere kriminozu nebe oho pro independentistas ema 200 iha Suai iha 1999...timor leste presija presidente ba maubere oan sira la presija President ba artista indonesia sira...ita sedauk hatene selos mak fo lisensa ba kompanhia sira nebe hatama feto husi rai seluk hodi serbisu hanesan prostituisaun iha timor leste.. diak liu maubere oan sira prepara an atu hili fali presidente husi maubere oan atu servi duni maubere oan... kazu prostituisaun nee se lakon iha diskusaun iha loron hirak oin mai... prostituisaun se aumenta barak no se hanorin no hadaet ba jovens feton rai laran... Horta se koalia deit but no action... tan nia rasik hatudu an hanesan mane prostitute laiha integridade no kredibilidade..abrasu
Tuir kodigo penal organizasaun prostituisaun no buka prostitutas sira krimi. Neduni laos kazu atu duni sai deit prostitutas sira, hanesan uluk Komisario Longuinhos hakarak halu baenhira Prokurador, no haruka polisia balun ba halu relasaun ho prostitutas sira atu kaer matak, hetan evidensia no filma husi TVTL.
Kazu ne komplexo. Presidente da Republika devia husu ba PNTL ho Ministerio Publiko atu investiga no kaer ho prosesa, se mak organiza prostituisaun neebe envolve feto husi liur ho rai laran.
Presidente da Republika la bele halua katak, kazus barak prostituisaun envolve krime seluk hanesan trafiko humano. Ne mos envolve organizasaun, la os deit feto sira mak hakarak buka moris ne.
Presidente da Republika devia ba vizita Salele, koalia ho organizasoens neebe serviso atu tulun vitimas trafiko no prostituisaun atu kompriende lolos problema ida ne.
Tamba sa mak bele hari uma prostituisaun iha Palasio Presidente nia oen kedas. Kuando ponto hanesan ne preokupasaun laos deit ho imagem neebe ida ne fo ba ita nia rain.
Hari uma prostituisaun iha Palasio Presidente nia oen hatudu katak lei ho ordem lalao. Programa reforma seguransa husi ONU iha Timor la efetivo. Ita nia instituisaun sira lakun autoridade ?
Nusa mak sira neebe organiza prostituisaun la tauk, kontinua sira nia operasaun iha fatin ida neebe Chefe de Estado loro loron tama sai.
Keta halua katak ih neebe ita nia nain ulun sira halibur iha Palasio Presidente halibur Konselho Defesa neebe envolve Chefes Forsas Defesa no Seguransa no lider seluk tan.
Hari fatin prstituisaun iha Palasio Presidente nia oen iha implikasaun oen oen no hatudu katak buat ruma lau sala karik, tamba maske ke krimi, kriminoso sira neebe organiza prostituisaun la tauk...
Enviar um comentário