.
Josefa Parada - Segunda, 20 Dezembru 2010 - SUARA TIMOR LOROSAE
DILI - Hospital Nasional Guido Valadares (HNGV) oras ne’e dadaun sei limita rekursus humanus inklui ekipamentus iha HNGV hodi servi no atende komunidade nebe sofre moras.
Diretora Geral HNGV, Odete da Silva Viegas, hatete katak HNGV hetan difikuldade boot iha area rekursu humanu hodi servi no atende komunidade, tamba nee ba futuru presiza hetan atensaun husi governu
“Ami tenta utuliza rekursu tomak hodi atende povu, maske rekursu no rekursu humanu limitadus tebes,” Diretora HNGV hato’o lia hirak nee iha iha Centru Convensaun Merkadu Lama, Sesta (17/12).
Nia sujere ba Xefi Governu, liu-liu Primeiru Ministru Xanana Gusmao atu fo atensaun seriu ba HNGV hanesan hospital Nasional, tamba ho limitasaun nebe hospital nee hasoru dalawain impede mediku sira hodi atende komunidade ho diak.
Odete informa mos katak, limitasaun nebe HNGV infrenta laos rekursus humanus, deit maibe HNGV mos hasoru obstakulu bo’ot maka hanesan ba Citi Scan (raisis) no Haemodalisa (fase ran). Maske sasan hirak ne’e sei iha prosesa sosa nia laran, nebe espera katak iha tinan 2011 iha ona hodi atende komunidade ho diak.
Atende povu nia moris katak Odete presisa rekursus humanus no ekipamentus ne’ebe sufisiente. “Hau fiar katak ejijensia ne’e bele realiza iha 2011,”Odete espera.
Iha biban ne’e, Diretor Geral Ministeriu Saude (MS), Agapito da Silva Soares hatete katak rekursus humanus iha HNGV tinan-tinan sempre menus, tamba iha esforsu atu hadia rekursu HNGV nian.
“Ita hadia sentru saude, hadia postu saude no hadia iha Distritu kuandu ita hadia moras iha hospital menus entaun ita la presisa rekursus barak iha hospital. Mais enkuandu iha balun seidauk hadia, entaun todan ba hospital boot tebes,”dehan Agapito.
Agapito hatutan, bainhira iha balun ne’ebe kiik sei hadia, nune’e ba leten bele ona diminui servisu, hafoin parte ne’e bainhira liga malu bele ona resolve problema ne’ebe iha. “Hau espera, Governu liu husi MS iha 2011 sei hare hodi bele resolve problema rekursus humanus, materia no ekipamentus servisu pessoal saude nian iha baze,”tenik Agapito.
Entertantu repreentante pessoal Saude Distritu Ainaro, Veronica Maria rekonhese katak servisu saude importante tebes, tamba iha ligasaun ho servisu ajuda povu iha area remotas. “Hau hanoin iha tinan 2011 governu bele reolve ona problema rekursus humanus, material no ekipamentus iha parte saude nian. vey
.
Josefa Parada - Segunda, 20 Dezembru 2010 - SUARA TIMOR LOROSAE
DILI - Hospital Nasional Guido Valadares (HNGV) oras ne’e dadaun sei limita rekursus humanus inklui ekipamentus iha HNGV hodi servi no atende komunidade nebe sofre moras.
Diretora Geral HNGV, Odete da Silva Viegas, hatete katak HNGV hetan difikuldade boot iha area rekursu humanu hodi servi no atende komunidade, tamba nee ba futuru presiza hetan atensaun husi governu
“Ami tenta utuliza rekursu tomak hodi atende povu, maske rekursu no rekursu humanu limitadus tebes,” Diretora HNGV hato’o lia hirak nee iha iha Centru Convensaun Merkadu Lama, Sesta (17/12).
Nia sujere ba Xefi Governu, liu-liu Primeiru Ministru Xanana Gusmao atu fo atensaun seriu ba HNGV hanesan hospital Nasional, tamba ho limitasaun nebe hospital nee hasoru dalawain impede mediku sira hodi atende komunidade ho diak.
Odete informa mos katak, limitasaun nebe HNGV infrenta laos rekursus humanus, deit maibe HNGV mos hasoru obstakulu bo’ot maka hanesan ba Citi Scan (raisis) no Haemodalisa (fase ran). Maske sasan hirak ne’e sei iha prosesa sosa nia laran, nebe espera katak iha tinan 2011 iha ona hodi atende komunidade ho diak.
Atende povu nia moris katak Odete presisa rekursus humanus no ekipamentus ne’ebe sufisiente. “Hau fiar katak ejijensia ne’e bele realiza iha 2011,”Odete espera.
Iha biban ne’e, Diretor Geral Ministeriu Saude (MS), Agapito da Silva Soares hatete katak rekursus humanus iha HNGV tinan-tinan sempre menus, tamba iha esforsu atu hadia rekursu HNGV nian.
“Ita hadia sentru saude, hadia postu saude no hadia iha Distritu kuandu ita hadia moras iha hospital menus entaun ita la presisa rekursus barak iha hospital. Mais enkuandu iha balun seidauk hadia, entaun todan ba hospital boot tebes,”dehan Agapito.
Agapito hatutan, bainhira iha balun ne’ebe kiik sei hadia, nune’e ba leten bele ona diminui servisu, hafoin parte ne’e bainhira liga malu bele ona resolve problema ne’ebe iha. “Hau espera, Governu liu husi MS iha 2011 sei hare hodi bele resolve problema rekursus humanus, materia no ekipamentus servisu pessoal saude nian iha baze,”tenik Agapito.
Entertantu repreentante pessoal Saude Distritu Ainaro, Veronica Maria rekonhese katak servisu saude importante tebes, tamba iha ligasaun ho servisu ajuda povu iha area remotas. “Hau hanoin iha tinan 2011 governu bele reolve ona problema rekursus humanus, material no ekipamentus iha parte saude nian. vey
.
0 comentários:
Enviar um comentário