.
Jornal Nacional Diário - Kuarta 02 Dezembru 2010
Dili-“Komisaun Funsaun Públiku (KFP) haruka ona karta ba Ministeriu Ekonomia no Dezenvolvimentu (MED) atu suspende Diretur Geral MED, Marito Magno tamba assume mos kargu nudar Sekretariu Geral Partidu Sosial Demokrata (PSD).
“KFP haruka ona karta ofisial ba ministeriu Ekonomia e Dezenvolvimentu João Gonvalves hodi fo hatene katak, KFP laiha objesaun naran katak, Funsionariu ne’e (Marito Magno) hadook an husi funsaun nudar porta voz partido nian,”dehan Prezidente KFP Liborio Pereira ba Jornalista sira, kinta (01/12), iha nia knar fatin, Kaikoli Dili.
Liboriu hatutan, bazeia ba artigu No.7 lei KFP hateten katak, Administrasaun Públiku labele ema politiku tamba ne’e hanesan pilares estado nian.
Marito Magno uluk nia assume kargu hanesan Direktor Nasional no Administrasaun MED nian. Maibe nia agira hetan despaisu hudi Ministru João Gonsalves atu ba asumi hikas kargu nudar direktur Geral MED, tamba eis Direktur Geral MED nian ba eskola iha rai liur.
Ba kestaun ne’e liborio hatutan, kontra lei funsaun publiku, tanba portavoz partido nian, labele sai fali direktur Geral MED ke kareira professional ba estadu ida ne’e.
KFP dehan nia, diskuti hasai konkluzaun katak, ne’e material konflitu de interese entaun komisaun fo despaiso hodi fo hanoin katak, Funsionariu ne’e bele assume kargu nudar direktur geral naran katak labele assume responsablidade hanesan portavos partidu.
Nia dehan, komisaun lakohi halo nomeasaun ba funsionariu ida ne’ebe minutu ida koalia hanesan porta voz partido nian, minutu ida koalia hanesan porta voz Ministeriu nian.
Tamba ne’e maka KFP sujere, se funsionariu ne’e hakarak duni assume kargu nudar direktur jeral MED hanesan funsionariu entaun tenki suspende nia funsaun iha partido atu nune’e konsentra los deit hanesan direktur Geral MED ne’ebe mos hanesan porta voz Ministeriu nian.
Nia hatutan, ida ne’e maka komisaun nia pozisaun, para depois labele iha hanesan konotasaun katak, Ministeriu ne’e Politika.
“Halo servisu karik serviso ho professional, tamba ne’e mak para evita konflitu de interese katak, nudar diretur geral tenki tane as interese publiku, maibe se nudar dirgente partidu nian, tenki tane aas interese partidu,”dehan Liborio.
KFP, hateten Liborio, to’o agora nia parte seidauk simu resposta husi MED kona ba karta ofisial ne’ebe haruka ona ba.
Nia hatutan nomeasaun ba kargu nudar diretor jeral laos kompetensia Ministru nian, maibe kompetensia KFP nian.
Tenik Liborio, ho irreggularidade ne’ebe iha, KFP so koalia ho MED João Gonsalves laos ho sira seluk.
Entertantu direktur geral MED actual Sekjen PSD Marito Magno hateten katak, nia laiha poder atu fo komentariu ba assuntu ne’e, tamba asuntu ne’e kompetensia Ministru nian atu responde.
“Hau laiha poder atu komentariu, tanba ne’e poder Ministru nian, Imi Jornalista hein Ministru mai husi rai liur mak imi intervista deit,”dehan nia horsehik iha nia gabinete Bebora Dili.
Entertantu, MED João Gonsalves bainhira Diario ne’e konfirma ba nia ministeriu, maibe nia laiha fatin tanba halo vizita estadu ba iha rai liur.acr
.
Jornal Nacional Diário - Kuarta 02 Dezembru 2010
Dili-“Komisaun Funsaun Públiku (KFP) haruka ona karta ba Ministeriu Ekonomia no Dezenvolvimentu (MED) atu suspende Diretur Geral MED, Marito Magno tamba assume mos kargu nudar Sekretariu Geral Partidu Sosial Demokrata (PSD).
“KFP haruka ona karta ofisial ba ministeriu Ekonomia e Dezenvolvimentu João Gonvalves hodi fo hatene katak, KFP laiha objesaun naran katak, Funsionariu ne’e (Marito Magno) hadook an husi funsaun nudar porta voz partido nian,”dehan Prezidente KFP Liborio Pereira ba Jornalista sira, kinta (01/12), iha nia knar fatin, Kaikoli Dili.
Liboriu hatutan, bazeia ba artigu No.7 lei KFP hateten katak, Administrasaun Públiku labele ema politiku tamba ne’e hanesan pilares estado nian.
Marito Magno uluk nia assume kargu hanesan Direktor Nasional no Administrasaun MED nian. Maibe nia agira hetan despaisu hudi Ministru João Gonsalves atu ba asumi hikas kargu nudar direktur Geral MED, tamba eis Direktur Geral MED nian ba eskola iha rai liur.
Ba kestaun ne’e liborio hatutan, kontra lei funsaun publiku, tanba portavoz partido nian, labele sai fali direktur Geral MED ke kareira professional ba estadu ida ne’e.
KFP dehan nia, diskuti hasai konkluzaun katak, ne’e material konflitu de interese entaun komisaun fo despaiso hodi fo hanoin katak, Funsionariu ne’e bele assume kargu nudar direktur geral naran katak labele assume responsablidade hanesan portavos partidu.
Nia dehan, komisaun lakohi halo nomeasaun ba funsionariu ida ne’ebe minutu ida koalia hanesan porta voz partido nian, minutu ida koalia hanesan porta voz Ministeriu nian.
Tamba ne’e maka KFP sujere, se funsionariu ne’e hakarak duni assume kargu nudar direktur jeral MED hanesan funsionariu entaun tenki suspende nia funsaun iha partido atu nune’e konsentra los deit hanesan direktur Geral MED ne’ebe mos hanesan porta voz Ministeriu nian.
Nia hatutan, ida ne’e maka komisaun nia pozisaun, para depois labele iha hanesan konotasaun katak, Ministeriu ne’e Politika.
“Halo servisu karik serviso ho professional, tamba ne’e mak para evita konflitu de interese katak, nudar diretur geral tenki tane as interese publiku, maibe se nudar dirgente partidu nian, tenki tane aas interese partidu,”dehan Liborio.
KFP, hateten Liborio, to’o agora nia parte seidauk simu resposta husi MED kona ba karta ofisial ne’ebe haruka ona ba.
Nia hatutan nomeasaun ba kargu nudar diretor jeral laos kompetensia Ministru nian, maibe kompetensia KFP nian.
Tenik Liborio, ho irreggularidade ne’ebe iha, KFP so koalia ho MED João Gonsalves laos ho sira seluk.
Entertantu direktur geral MED actual Sekjen PSD Marito Magno hateten katak, nia laiha poder atu fo komentariu ba assuntu ne’e, tamba asuntu ne’e kompetensia Ministru nian atu responde.
“Hau laiha poder atu komentariu, tanba ne’e poder Ministru nian, Imi Jornalista hein Ministru mai husi rai liur mak imi intervista deit,”dehan nia horsehik iha nia gabinete Bebora Dili.
Entertantu, MED João Gonsalves bainhira Diario ne’e konfirma ba nia ministeriu, maibe nia laiha fatin tanba halo vizita estadu ba iha rai liur.acr
.
0 comentários:
Enviar um comentário