.
Josefa Parada - Kuarta, 01 Dezembru 2010 - SUARA TIMOR LOROSAE
DILI-Governu Aliansa Maioria Parlamentar (AMP) iha tinan fiscal 2011 aloka tan osan hamutuk miliaun $166 hodi finaliza Konstrusaun Sentru Eletrisidade Oliu Pezadu ne’ebe tuir planu sei remata iha tinan 2011.
Sekretariu Estadu Eletrisidade, Januario Pereira, dehan, tuir kalendariu ne’ebe iha sentru eletrisidade oliu pezadu ne’e sei remata iha fin de 2011. Ho orsamentu ne’ebe governu aloka tan iha tinan 2011 ne’e, SEE Januario dehan, Kompania China Nuclear garante bele finaliza projetu ne’e.
Tuir planu, Januario dehan, kompania ne’e sei halo mos sub-kontratu ba kompania seluk hodi ajuda harii tore ba Distritu tomak.
“Se sira hakarak halo sub-kontrak ne’e depende sira tanba sira mak manan,” informa nia ba jornalista sira hafoin Audensia Publiku ho Komisaun G ba Asuntu Infra-estrutura, iha Parlamentu Nasional, Tersa, (30/11).
Deputadu Bankada G, Inacio Moreira, esklarese diskusaun ba Sentru Eletrisidade Oliu Pezadu seidauk klaru. Inacio duvidas mos ba promesa ne’ebe SEE fo katak iha tinan 2011 sei konsege finaliza konstrusaun refere. Nia dehan, ba tore deit tenki harii 2.400, wainhira halo kalku matematiku, kada loron tenki harii tore kuaze 37. “Se dehan bele hatu hau la fiar. Husi Hera mai deit iha ne’e (Dili) presiza tempu kuaze fulan 4,” nia pesimista.
Deputadu husi Bankada CNRT, Arao Noe, dehan, verba ba Sentru Eletrisidade ne’ebe tau iha OJE 2011 atu halo pagamentu ba Kompania China Nuclear bazeia ba persentajen kontratu nian. Nia informa, iha tinan 2010 selu ona miliaun $40 no iha tinan 2011 sei selu tan miliaun $60 no sei kontinua to’o konklui projetu ne’e.
Konaba deputadau balun ne’e pesimista katak iha 2011 bele remata ona Sentru refere, Arao dehan, nia kontinua fo konfiansa ba kapasidade governu no kompania ne’ebe halao projetu ne’e. Nia fiar katak ho estratejia servisu ne’ebe kompania China Nuclear halo, to’o iha fulan Novembru 2011 eletrisidade bele moris iha Kosta Sul no iha 2012 bele kobre ona to’o Timor laran tomak. Jorgino Santos
.
Josefa Parada - Kuarta, 01 Dezembru 2010 - SUARA TIMOR LOROSAE
DILI-Governu Aliansa Maioria Parlamentar (AMP) iha tinan fiscal 2011 aloka tan osan hamutuk miliaun $166 hodi finaliza Konstrusaun Sentru Eletrisidade Oliu Pezadu ne’ebe tuir planu sei remata iha tinan 2011.
Sekretariu Estadu Eletrisidade, Januario Pereira, dehan, tuir kalendariu ne’ebe iha sentru eletrisidade oliu pezadu ne’e sei remata iha fin de 2011. Ho orsamentu ne’ebe governu aloka tan iha tinan 2011 ne’e, SEE Januario dehan, Kompania China Nuclear garante bele finaliza projetu ne’e.
Tuir planu, Januario dehan, kompania ne’e sei halo mos sub-kontratu ba kompania seluk hodi ajuda harii tore ba Distritu tomak.
“Se sira hakarak halo sub-kontrak ne’e depende sira tanba sira mak manan,” informa nia ba jornalista sira hafoin Audensia Publiku ho Komisaun G ba Asuntu Infra-estrutura, iha Parlamentu Nasional, Tersa, (30/11).
Deputadu Bankada G, Inacio Moreira, esklarese diskusaun ba Sentru Eletrisidade Oliu Pezadu seidauk klaru. Inacio duvidas mos ba promesa ne’ebe SEE fo katak iha tinan 2011 sei konsege finaliza konstrusaun refere. Nia dehan, ba tore deit tenki harii 2.400, wainhira halo kalku matematiku, kada loron tenki harii tore kuaze 37. “Se dehan bele hatu hau la fiar. Husi Hera mai deit iha ne’e (Dili) presiza tempu kuaze fulan 4,” nia pesimista.
Deputadu husi Bankada CNRT, Arao Noe, dehan, verba ba Sentru Eletrisidade ne’ebe tau iha OJE 2011 atu halo pagamentu ba Kompania China Nuclear bazeia ba persentajen kontratu nian. Nia informa, iha tinan 2010 selu ona miliaun $40 no iha tinan 2011 sei selu tan miliaun $60 no sei kontinua to’o konklui projetu ne’e.
Konaba deputadau balun ne’e pesimista katak iha 2011 bele remata ona Sentru refere, Arao dehan, nia kontinua fo konfiansa ba kapasidade governu no kompania ne’ebe halao projetu ne’e. Nia fiar katak ho estratejia servisu ne’ebe kompania China Nuclear halo, to’o iha fulan Novembru 2011 eletrisidade bele moris iha Kosta Sul no iha 2012 bele kobre ona to’o Timor laran tomak. Jorgino Santos
.
0 comentários:
Enviar um comentário